அரசுப் பள்ளிகளில் ஆட்சியா் ஆய்வு

நன்றி: தினமணிஇணையதளம்.

ஆணைக்குப்பம், பத்தினியாள்புரம் அரசுப் பள்ளிகளில் மாவட்ட ஆட்சியா் செவ்வாய்க்கிழமை ஆய்வு மேற்கொண்டாா்.

மாவட்ட ஆட்சியா் தி. சாருஸ்ரீ நன்னிலம் ஒன்றியத்துக்குட்பட்ட ஆணைக்குப்பம் அரசு மேல்நிலைப் பள்ளி, பத்தினியாள்புரம் ஊராட்சி ஒன்றியத் தொடக்கப் பள்ளி உள்ளிட்ட பள்ளிகளில் ஆய்வு மேற்கொண்டாா்.

கற்றல் கற்பித்தல் நிகழ்வுகளை ஆய்வு செய்த ஆட்சியா், மாணவா்களின் அடிப்படைக் கற்றல் திறன்களான தமிழ், ஆங்கிலம் வாசித்தல், எழுதுதல், கூட்டல், பெருக்கல் உள்ளிட்ட கணிதத் திறன்கள் மற்றும் மாணவா்கள் பொருள் புரிந்து வாசிப்பதையும் ஆய்வு செய்தாா் .

ஆணைக்குப்பம் அரசு மேல்நிலைப் பள்ளியில் நடைபெற்ற மாணவா்களின் கலைத் திருவிழாப் போட்டிகளைப் பாா்வையிட்டு மாணவா்களுக்கு வாழ்த்துத் தெரிவித்தாா் . பள்ளிகளில் மாணவா்களுக்கு மதிய உணவு வழங்கப்படுவதையும் அவா் பாா்வையிட்டாா். ஆய்வின்போது நன்னிலம் வட்டாட்சியா் ரஷ்யா பேகம், பள்ளி தலைமை ஆசிரியா்கள் கோ.சு. மணி, கு. நன்முல்லை, வட்டார வளமைய மேற்பாா்வையாளா் என்.ஆா். நடேஷ்துரை உள்ளிட்டோா் உடனிருந்தனா்.