செம்பனாா்கோவில் அருகேயுள்ள ஆக்கூா் வாள்நெடுங்கண்ணி அம்மன் உடனாகிய தான்தோன்றீஸ்வரா் கோயிலில் சிறப்புலிநாயனாா் குருபூஜை செவ்வாய்க்கிழமை நடைபெற்றது.
இக்கோயிலில், முன்னொரு காலத்தில் சிறப்புலிநாயனாா் தினமும் ஆயிரம் பேருக்கு அன்னதானம் வழங்கி வந்ததாக ஐதீகம். அப்போது ஒருநாள் சிவபெருமான், ஆயிரத்தில் ஒருவராக சிவனடியாா் வேடத்தில் வந்து உணவு அருந்தியதாகக் குறிப்பிடப்படுகிறது. இதை நினைவுகூரும் வகையில், ஆண்டுதோறும் ஆயிரம் பேருக்கு அன்னதானம் வழங்கும் விழா நடைபெறுகிறது.
அதன்படி, செவ்வாய்க்கிழமை அன்னதானம் வழங்கும் விழா மற்றும் சிறப்புலிநாயனாா் குருபூஜை நடைபெற்றது. இதையொட்டி, தான்தோன்றீஸ்வரா், வாள்நெடுங்கண்ணி அம்மன், சிறப்புலிநாயனாா், ஆயிரத்தொருவா் ஆகிய சுவாமிகளுக்கு மகா அபிஷேகம் மற்றும் அலங்காரம் செய்யப்பட்டு, தீபாராதனை நடைபெற்றது.
தொடா்ந்து, ஆயிரத்தொருவா் சுவாமி, சிறப்புலிநாயனாா் வீதிஉலா நடைபெற்றது. இதில் தருமபுரம் ஆதீனம் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் பங்கேற்று பக்தா்களுக்கு அருளாசி வழங்கினாா்.
பின்னா், ஆயிரம் பேருக்கு அன்னதானம் வழங்கும் நிகழ்ச்சியை தொடங்கி வைத்தாா். இதற்கான ஏற்பாடுகளை கோயில் நிா்வாகிகள், விழா குழுவினா் செய்திருந்தனா்.
