ஆசிய துப்பாக்கி சுடும் போட்டியில் தங்கம் வென்ற வீராங்கனைக்கு பாராட்டு

கடந்த 72 ஆண்டுகளில் முதல்முறையாக ஆசிய துப்பாக்கி சுடும் போட்டியில் தங்கப்பதக்கம் வென்ற இந்திய அணியின் வீராங்கனையும், தனி நபா் பிரிவில் வெண்கலம் வென்றவருமான அந்த்ரா ராஜ்சேகருக்கு சிவகங்கையில் புதன்கிழமை பாராட்டு விழா நடத்தப்பட்டது.

அண்மையில்ல் கஜகஸ்தானில் நடைபெற்ற 2025- ஆண்டின் ஆசிய துப்பாக்கி சுடும் போட்டியில் சென்னை ரைபிள் கிளப் உறுப்பினா் அந்த்ரா ராஜ்சேகா்(17) இந்திய அணியின் உறுப்பினராக கலந்து கொண்டு குழுப் பிரிவில் தங்கப் பதக்கத்தையும், தனிப் பிரிவில் வெண்கலப் பதக்கத்தையும் வென்று சாதனை படைத்தாா். கடந்த 72 ஆண்டுகளில் முதல் முறையாக ஆசிய அளவிலான துப்பாக்கி சுடும் போட்டியில் பதக்கம் பெற்ற முதல் சென்னை ரைபிள் கிளப் உறுப்பினா் என்ற பெருமையையும் பெற்றாா். இவா் முன்னாள் ஐஏஎஸ் அதிகாரி இரா.கற்பூரசுந்தரபாண்டியனின் பெயா்த்தியும், சிவகங்கை கே.ஆா். மேனிலைப்பள்ளி செயலரும், சென்னை ரைபிள் கிளப் செயலருமான க.ராஜ்சேகரின் மகளுமாவாா்.

இவரைப் பாராட்டி சிவகங்கை நகர முக்கியப் பிரமுகா்கள் சாா்பில் புதன்கிழமை மாலை பாராட்டு விழா நடைபெற்றது. இதில், சிவகங்கை சட்டப்பேரவை உறுப்பினா் பி.ஆா். செந்தில்நாதன், முன்னாள் சட்டப்பேரவை உறுப்பினா் குணசேகரன், மன்னா் குடும்பத்தைச் சோ்ந்த மகேஸ்துரை, மூத்த வழக்குரைஞா்கள் மோகனசுந்தரம், ச. இன்பலாதன், மாவட்ட ஜெயலலிதா பேரவைச் செயலா் ராமு. இளங்கோவன், ஐஓபி வங்கி முன்னாள் மேலாளா் அனந்தராமன், ரமண விகாஸ் பள்ளி தாளாளா் முத்துக்கண்ணன், தொழிலதிபா் பாண்டிவேல், திருப்பூா் முதன்மை கல்வி அலுவலா் (ஓய்வு) உதயகுமாா், பாஜக மாவட்டத் தலைவா் முத்துபாரதி, மகளிா் காங்கிரஸ் நிா்வாகி வித்யாகணபதி, முன்னாள் செய்தி மக்கள் தொடா்பு அலுவலா் நாகேந்திரன் உள்ளிட்டோா் கலந்துகொண்டனா். அந்த்ரா ராஜசேகா் ஏற்புரையாற்றினாா்.

முன்னதாக கே.ஆா். பள்ளி தலைமையாசிரியா் தெ.சரவணன் வரவேற்றாா். ஆசிரியா் ரவி நிகழ்ச்சியை தொகுத்து வழங்கினாா். தமிழாசிரியா் நீ. இளங்கோ நன்றி கூறினாா். இதில் கே.ஆா். கே.ஆா். மேல்நிலைப் பள்ளி மாணவா்கள், ஆசிரியா்கள், பொதுமக்கள் கலந்து கொண்டனா்.