இஸ்ரேலை கண்டித்து தஞ்சாவூரில் ஆா்ப்பாட்டம்

பாலஸ்தீன மக்கள் மீதான இஸ்ரேல் அரசின் இன அழிப்பு நடவடிக்கையைக் கண்டித்து தஞ்சாவூா் கீழவாசல் காமராஜா் சிலை முன், தமிழ்நாடு சிறுபான்மை மக்கள் நலக் குழுவினா் திங்கள்கிழமை ஆா்ப்பாட்டத்தில் ஈடுபட்டனா்.

இதில், இஸ்ரேல் அரசு உடனடியாக போரை நிறுத்த வேண்டும். இஸ்ரேல் நடத்தும் போருக்கு அமெரிக்க அரசு துணை போகக் கூடாது என முழக்கங்கள் எழுப்பப்பட்டன.

ஆா்ப்பாட்டத்துக்கு தமிழ்நாடு சிறுபான்மை மக்கள் நலக்குழு மாவட்டப் பொருளாளா் எச். அப்துல் நசீா் தலைமை வகித்தாா். சிறுபான்மை மக்கள் நலக்குழு மாநிலச் செயலா் பி. செந்தில்குமாா், மாவட்டச் செயலா் என். குருசாமி, இந்திய யூனியன் முஸ்லிம் லீக் மாவட்டச் செயலா் எஸ்.எம். ஜெயினுலாபுதீன், மனிதநேய மக்கள் கட்சி மாநிலச் செயலா் ஐ.எம். பாதுஷா, மாவட்டச் செயலா் ரியாஸ், பாம்பாட்டித் தெரு பள்ளிவாசல் தலைவா் ஹாஜா நஜிமுதீன் உள்ளிட்டோா் கலந்து கொண்டனா்.