செய்திகள் :

உதவி இயக்குநராக சேர வேண்டுமா? டிராகன் இயக்குநரின் சுவாரஸ்வமான நிபந்தனைகள்!

post image

இயக்குநர் அஷ்வத் மாரிமுத்து தன்னிடம் உதவி இயக்குநராக சேர நிபந்தனைகளுடன் கூடிய அறிவிப்பை வெளியிட்டுள்ளார்.

ஓ மை கடவுளே, டிராகன் படங்களின் மூலம் அடுத்தடுத்த வெற்றிகளைக் கொடுத்தவர் இயக்குநர் அஷ்வத் மாரிமுத்து. இதில், பிரதீப் ரங்கநாதன் நாயகனாக நடித்த டிராகன் திரைப்படம் ரூ. 160 கோடிக்கும் அதிகமாக வசூலித்து ஆச்சரியத்தை ஏற்படுத்தியது.

அடுத்ததாக, அஷ்வத் மாரிமுத்து நடிகர் சிம்புவின் 51-வது படத்தையும் ஏஜிஎஸ் நிறுவனத்தின் 27-வது படத்தையும் இயக்குகிறார்.

இதில், சிம்புவின் படம் ஆகஸ்ட் மாதம் துவங்கும் எனத் தெரிகிறது. இதற்காக, உதவி இயக்குநர்கள் தேவைப்படுவதாக அறிவிப்பை வெளியிட்ட அஷ்வத், தன்னிடம் சேர என்னென்ன தகுதிகள் வேண்டும் என்பதையும் குறிப்பிட்டுள்ளார்.

அவர் வெளியிட்ட பதிவில்,

- சிபாரிசு கிடையாது. மெரிட் மட்டும்தான்!

- உங்களுக்கான இடத்தைப் பெற முதல் மூன்று சுற்றுகளைக் கடக்க வேண்டும்.

- முதல் சுற்று உங்கள் சுயவிபரத்தின் (resume) அடிப்படையில் அமையும்.

- இரண்டாவதில் கொடுக்கப்படும் சூழலுக்கு ஏற்ப காட்சி ஒன்றை எழுத வேண்டும்.

- மூன்றாவது: என்னுடனான நேரடி நேர்காணல் இருக்கும். விடியோ கால் அழைப்பு கிடையாது (என்னிடமே proxy - ஆ? (டிராகன் திரைப்படத்தில் விடியோ காலில் பெரிய நிறுவனத்தை ஏமாற்றி நாயகன் வேலை வாங்குவதைக் குறிப்பிடுகிறார்))

- குறும்படம் எடுத்திருந்தாலோ இலக்கியத்தில் பரந்த வாசிப்பு இருந்தாலோ ஏற்கனவே நீங்கள் என் மதிப்பைப் பெற்றவராகிவிடுவீர்கள்.

- டெக்னிக்கல் திறமை வேண்டும். (எனக்கு அது தேவை)

- நேர்மையாக இருங்கள்- நான் ஒரு மோசமான காட்சியைச் சொன்னால் சூப்பர் சார் என சொல்லக் கூடாது!

- நாள்தோறும் செய்தித்தாள் வாசிக்க வேண்டும், வெறும் சினிமா வதந்திகளை மட்டும் அல்ல.

- கண்டிப்பாக ஓராண்டு பணியாற்ற வேண்டும். கதை விவாவத்திலிருந்து படம் முடியும்வரை இருந்தால் மட்டுமே நீங்கள் கற்றுக்கொள்ள முடியும்.

- 8 பேர்தான் வேண்டும் என்பதால் தேர்வாகவில்லை என்றால் கவலைப்படாதீர்கள் வேறு இயக்குநரிடம் வேலைக்குச் சேர இந்த அனுபவம் உதவலாம்.

- கட்டயமாக பார்ட்டி ஷூ தேவை (காரணம், நாம் அடிக்கடி ஜாலியாக இருப்போம்) எனத் தெரிவித்துள்ளார்.

அஷ்வத்தின் இந்த அறிவிப்பு ரசிகர்களிடம் சுவாரஸ்யத்தை ஏற்படுத்தியதுடன் சினிமா மீதான தயக்கங்களைக் களைவதுபோல் உள்ளது என பலரும் கருத்து தெரிவித்து வருகின்றனர்.

மேலும், சம்பளம் தருவீர்களா? என ஒருவர் கேட்டதற்கு, “என் தயாரிப்பு நிறுவனமும் நானும் நல்ல சம்பளம் கொடுப்போம். படத்தின் ஆரம்பத்திலிருந்து முடிவு வரை உதவி இயக்குநர்களின் பங்கு இருக்கும் என்பதால் அவரவரின் பொறுப்பைப் பொறுத்து மாதம்தோறும் நல்ல சம்பளமும் பணிச்சூழலும் இருக்கும்.” எனத் தெரிவித்துள்ளார்.

இதையும் படிக்க: மிகப்பெரிய தொகைக்கு விற்கப்பட்ட ஜன நாயகன் ஓடிடி உரிமம்!

வேட்டுவம் கதாநாயகி இவரா?

வேட்டுவம் திரைப்படத்தின் கதாநாயகி குறித்து தகவல் வெளியாகியுள்ளது.தங்கலான் திரைப்படத்தைத் தொடர்ந்து இயக்குநர் பா. இரஞ்சித் நடிகர் ஆர்யாவை நாயகனாக வைத்து சர்பட்டா - 2 திரைப்படத்தை இயக்குவார் என எதிர்பார... மேலும் பார்க்க

பஞ்சாயத்து 4-ஆவது சீசன் ரிலீஸ் தேதி!

பஞ்சாயத்து இணையத்தொடரின் 4ஆவது சீசனின் ரிலீஸ் தேதி அறிவிக்கப்பட்டுள்ளது. கடந்த 2020ஆம் ஆண்டு வெளியான பஞ்சாயத்து எனும் இணையத் தொடர் மிகவும் பிரபலமாக பேசப்பட்டது. டிவிஎஃப் தயாரித்த இந்தத் தொடரினை தீபக் ... மேலும் பார்க்க

நிறைவடைகிறது நீ நான் காதல் தொடர்!

நீ நான் காதல் தொடர் நிறைவடையவுள்ளதாகத் தகவல் தெரியவந்துள்ளது.ஸ்டார் மா தொலைக்காட்சியின் பிரபல தொடரான 'நுவ்வு நேனு பிரேமா' என்ற தொடரின் மறு உருவாக்கமாக 'நீ நான் காதல்' தொடர் எடுக்கப்பட்டு வருகிறது.விஜய... மேலும் பார்க்க

முட்டையைக்கூட வேக வைக்கத் தெரியாது: கரீனா கபூர்

நடிகை கரீனா கபூர் தனக்கு சமைக்கவே தெரியாது என்றும் முட்டையைக் கூட வேக வைக்கத் தெரியாது எனக் கூறியுள்ளார். ஹிந்தியில் 2000ஆம் ஆண்டு முதல் நடித்து வருகிறார் கரீனா கபூர். பல வெற்றிப் படங்களில் நடித்துள்ள... மேலும் பார்க்க

ஜாலியன் வாலாபாக் படுகொலை வழக்கு படத்தின் டிரைலர்!

அக்‌ஷய் குமார், மாதவன் நடிப்பில் உருவான கேசரி - 2 படத்தின் டிரைலர் வெளியாகியுள்ளது. அனுராக் சிங் இயக்கத்தில் அக்‌ஷய் குமார் நடித்த கேசரி திரைப்படம் கடந்த 2019 ஆம் ஆண்டு வெளியாகி வெற்றிப்படமானது. பிரிட... மேலும் பார்க்க

ரெடின் கிங்ஸ்லி - சங்கீதா தம்பதிக்கு பெண் குழந்தை!

ரெடின் கிங்ஸ்லி - சங்கீதா தம்பதிக்கு பெண் குழந்தை பிறந்துள்ளது. இதை ரெடின் கிங்ஸ்லியின் மனைவியும் சின்ன திரை நடிகையுமான சங்கீதா தன்னுடைய இன்ஸ்டாகிராம் பக்கத்தில் தெரிவித்துள்ளார்.ஆனந்த ராகம் தொடரில் ப... மேலும் பார்க்க