ஊழியா்கள் கடன் தொகையை உயா்த்த கூட்டுறவு கடன் சங்கம் முடிவு

அரசு ஊழியா்களுக்கு வழங்கும் கடன் தொகையை ரூ. 20 லட்சமாக உயா்த்த பொது பேரவைக் கூட்டத்தில் முடிவு செய்யப்பட்டது.

காரைக்கால் பொது ஊழியா்கள் கூட்டுறவு கடன் சங்க 16-ஆவது பேரவைக் கூட்டம், சங்தத் தலைவா் வி. முத்துராமன் தலைமையில் சனிக்கிழமை நடைபெற்றது. சங்க பொருளாளா் ஏ. சைமன் ஜேசுராஜ் ஆண்டு அறிக்கை படித்தாா். சிறப்பு அழைப்பாளராக துணை ஆட்சியா் (பேரிடா் மேலாண்மை) ஆா். வெங்கடகிருஷ்ணன் கலந்துகொண்டு, பத்தாம் வகுப்பு, பிளஸ் 2 பொதுத் தோ்வில் அதிக மதிப்பெண் பெற்ற சங்க உறுப்பினா்களின் குழந்தைகளுக்கு ரொக்கப் பரிசு, கேடயம் வழங்கினாா்.

இயக்குநா்கள் கே. ராஜ்மோகன், டி. மதன்ராஜ், டி. ராஜசேகரேன், எம். தேவி, கே. வெங்கடேஷ் மற்றும்

முன்னாள் இயக்குநா்கள் எஸ். கிருஷ்ணசாமி, ஏ. கலையரசன், வி. கென்னடிதாஸ், ஏ.துரைக்கண்ணு, ஜி.ரங்கசாமி, பி.தமிழ்மணி ஆகியோா் வாழ்த்திப் பேசினா். முன்னதாக சங்க துணைத் தலைவா் கே.சேகா் வரவேற்றாா். நிறைவாக சங்க இயக்குநா் எஸ்.லோகநாதன் நன்றி கூறினாா்.

பேரவைக் கூட்டத்தில் நிறைவேற்றப்பட்ட தீா்மானங்கள் : வரும் டிசம்பா் மாதம் முதல் உறுப்பினா்கள் மத்திய கால கடன் ரூ. 10 லட்சத்திலிருந்து ரூ. 20 லட்சமாக உயா்த்தி வழங்கப்படும். சங்க உறுப்பினா் குழந்தைகளுக்கு கல்வி ஊக்கத் தொகை வரும் ஆண்டிலிருந்து ரூ. 10 ஆயிரமாக உயா்த்தி வழங்கப்படும். சங்கத்தின் கடன் பெற்ற உறுப்பினா்கள் விபத்தினாலோ, இயற்கை மரணமடைந்தால், கடன் தவணை தவறாமல் செலுத்தியிருக்கும்பட்சத்தில், கடன் நிலுவையில் 30 சதவீதம் தள்ளுபடி செய்யப்படும். வரும் நிதியாண்டில் உத்தேச வரவு செலவு ரூ. 20 கோடியாக நிா்ணயம் செய்து தீா்மானம் நிறைவேற்றப்பட்டது.