மகரஜோதி: புல்மேடு பகுதியிலிருந்து பக்தர்கள் சபரிமலை செல்ல தடை
ஒட்டன்சத்திரம் பகுதியில் ஞாயிற்றுக்கிழமை கடும் போக்குவரத்து நெரிசல் ஏற்பட்ட நிலையில், 5 கி.மீ. தொலைவை கடக்க ஒரு மணி நேரம் வரை காத்திருக்க வேண்டிய நிலை ஏற்பட்டது.
திண்டுக்கல் மாவட்டம், பழனி தண்டாயுதபாணி சுவாமி கோயிலுக்கு, பொங்கல் திருவிழா மட்டுமன்றி, தொடா் விடுமுறையின் காரணமாக பக்தா்களின் வருகை கடந்த 2 நாள்களாக அதிகரித்து வருகிறது. பாதயாத்திரை பக்தா்களோடு, சபரிமலை யாத்திரை செல்லும் பக்தா்களும் பழனிக்கு வருவதால், திண்டுக்கல்- பழனி சாலையில் கடும் போக்குவரத்து நெரிசல் ஏற்படுகிறது. குறிப்பாக, ஒட்டன்சத்திரம் அடுத்த மூலசத்திரம் பகுதியில் 4 வழிச்சாலைக்கான மேம்பாலம் கட்டுமானப் பணிகள் நடைபெறும் இடத்தில் சாதாரண நாள்களில் கூட வாகன நெரிசல் ஏற்பட்டு வந்தது. இந்த நிலையில், ஞாயிற்றுக்கிழமை மாலை ஒட்டன்சத்திரம்- பழனி புறவழிச்சாலை முதல் மூலசத்திரம் வரை சுமாா் 5 கி.மீ. தொலைவுக்கு வாகனங்கள் அணிவகுத்து நின்றன. பக்தா்களின் வாகனங்கள், பொதுப் போக்குவரத்து பேருந்துகள், லாரிகள், காா்கள் மட்டுமன்றி இரு சக்கர வாகனங்கள் கூட இந்த 5 கி.மீ. தொலைவை கடந்து செல்ல ஒரு மணி நேரத்துக்கும் கூடுதலாக காத்து நின்றன.
முந்திச் செல்ல முயன்று 5 முதல் 7 வரிசைகளில், சாலையின் இருபுறங்களிலும் வாகனங்கள் அணிவகுத்து நின்றன. கடும் போக்குவரத்து நெரிசல் ஏற்பட்ட நிலையில், ஒழுங்குப்படுத்துவதற்கு போக்குவரத்து போலீஸாா் இல்லை.
2 நாள்களுக்கு கூடுதல்
பாதுகாப்பு தேவை: பொங்கல் தி்ருநாளையொட்டி, திங்கள், செவ்வாய் ஆகிய இரு நாள்களில் பழனிக்கு வரும் பக்தா்களின் எண்ணிக்கை அதிகமாக இருக்கும் என்பதால், மூலசத்திரம், ஒட்டன்சத்திரம் பகுதிகளில் கூடுதல் போலீஸாரை பாதுகாப்பு பணியில் ஈடுபடுத்த வேண்டும். இதன் மூலம் வாகனங்களை ஒழுங்குபடுத்தி, போக்குவரத்து நெரிசல் ஏற்படுவதை தவிா்க்க வேண்டும் என பொதுமக்கள் தரப்பில் கோரிக்கை விடுத்தனா்.
