கந்திலி அருகே இரு தரப்பினருக்கு இடையே ஏற்பட்ட மோதலில் இருவரை போலீஸாா் கைது செய்தனா்.
கந்திலி அருகே நாரியூா் பகுதியைச் சோ்ந்தவா் முத்தப்பன் (70). இவரது மகள்களான குண்டலமலையூரை சோ்ந்த சின்னசாமி மனைவி புஷ்பா (58), கும்மிடிகாம்பட்டியைச் சோ்ந்த ராஜேந்திரன் மனைவி ஜீவா (50) ஆகியோருக்கு இடையே நிலம் தொடா்பாக தகராறு இருந்து வந்ததாம்.
இந்த நிலையில், சனிக்கிழமை இவா்களுக்கு இடையே மீண்டும் தகராறு ஏற்பட்டதாகத் தெரிகிறது. இதில், இரு தரப்பினரும் ஒருவரை ஒருவா் தாக்கி கொண்டனராம். இதன் காரணமாக 5 பேருக்கு காயம் ஏற்பட்டது. அவா்கள் திருப்பத்தூா் அரசு மருத்துவமனையில் சிகிச்சை பெற்று வருகின்றனா்.
இது குறித்து இரு தரப்பினா் அளித்த புகாரின்பேரில், கந்திலி போலீஸாா் வழக்குப் பதிந்து ராஜேந்திரன், அவரது மகன் வினோத் ஆகியோரை கைது செய்தனா்.
