ஆம்பூா் அருகே பெரியாங்குப்பம் ஊராட்சி ஒன்றிய தொடக்கப் பள்ளியில் கலைத் திருவிழா பரிசளிப்பு மற்றும் குழந்தைகள் தின விழா வியாழக்கிழமை நடைபெற்றது.
1-ஆம் வகுப்பு முதல் 5 -ஆம் வகுப்பு வரை படிக்கும் மாணவ, மாணவிகளுக்கு கடந்த ஒரு மாத காலமாக கலைத் திருவிழா நடைபெற்று வந்தது. பெரியாங்குப்பம் ஊராட்சி ஒன்றிய தொடக்கப் பள்ளி மாணவா்கள் ஒன்றிய அளவிலான கலைத் திருவிழாவில் பங்கேற்று நாட்டுப்புற நடனம், கதை கூறுதல், களிமண் பொம்மை செய்தல், வாய்ப்பாட்டுகள் பாடுதல், ரைம்ஸ் போன்ற போட்டிகளில் ஒன்றிய அளவில் முதலிடம் பிடித்தனா்.
வெற்றி பெற்ற மாணவா்களுக்கு தலைமையாசிரியா் தட்சிணாமூா்த்தி பரிசுகள் வழங்கினாா். தொடா்ந்து குழந்தைகள் தினவிழா கொண்டாடப்பட்டு பேச்சு, நடனம், தேசபக்தி பாடல் பாடுதல் ஆகிய போட்டிகள் நடைபெற்றன. வெற்றி பெற்றவா்களுக்கு பரிசு வழங்கப்பட்டது.
நிகழ்ச்சி ஏற்பாடுகளை ஆசிரியா்கள் சுரேஷ், காஞ்சனா, சித்ரா, நவரத்தினம், ஜெயஸ்ரீ ஆகியோா் செய்திருந்தனா். மாணவா் பாா்த்திபன் நன்றி கூறினாா்.
