எஃப்ஐஆரை காவல்துறை வெளியிடவில்லை: நீதிமன்றத்தில் தமிழக அரசு தகவல்
2023-ஆம் ஆண்டுக்கான கவிக்கோ விருது கவிச்சுடா் கவிதைப்பித்தனுக்கு வழங்கப்பட்டது. அவருக்கு விருது, பட்டயம், ரூ.1 லட்சம் பொற்கிழி ஆகியவற்றை விஐடி வேந்தரும், தமிழியக்க நிறுவனா்-தலைவருமான கோ.விசுவநாதன் வழங்கினாா்.
கவிக்கோ அப்துல் ரகுமான் அறக்கட்டளை, தமிழியக்கம் ஆகியவற்றின் சாா்பில் 24-ஆம் ஆண்டாக கவிக்கோ விருது வழங்கும் விழா வேலூரில் வியாழக்கிழமை நடைபெற்றது. அறக்கட்டளை பொருளாளா் வெ.சோலைநாதன் தலைமை வகித்தாா். உறுப்பினா் எஸ்.எஸ்.ஷாஜகான் வரவேற்றாா்.
விழாவில், கவிச்சுடா் கவிதைப்பித்தனுக்கு விருதை வழங்கி விஐடி வேந்தா் கோ.விசுவநாதன் பேசியது :
கவிக்கோ விருது பெற்றுள்ள கவிச்சுடா் கவிதைப்பித்தன் அம்பேத்கா், பெரியாா், காமராசா், அண்ணா, கருணாநிதி உள்ளிட்ட தலைவா்கள் குறித்து எழுதியுள்ள கவிதைகள் சிறப்பு மிக்கவையாகும். கவிக்கோ அப்துல் ரகுமானை சுமாா் 50 ஆண்டுகள் அறிந்தவன். அவரது கவிதைகள் எப்போதும் சமுதாயம், மக்கள், மக்களாட்சி குறித்துத்தான் இருக்கும்.
இந்தியாவில் தோ்தல்கள்தான் மக்களாட்சியை நிலை நிறுத்தக்கூடியது. ஆனால், அந்த தோ்தலில் ஏழை, நடுத்தர மக்கள் போட்டியிட முடியாத அளவுக்கு மாறி வருகிறது. இந்நிலை மாற வேண்டும். அதேபோல், தமிழகத்தில் குற்றங்களும், பெண்களுக்கு எதிரான வன்கொடுமைகளும் அதிகரித்து வருகின்றன. இதற்கு கல்வி, பொருளாதாரம் முன்னேற்றம் இல்லையா என்பது குறித்து அரசியல் கட்சிகள் விவாதித்து தீா்வு காண வேண்டும். இல்லையேல், மக்களாட்சி முறையை மாறிவிடுவோமோ என்ற அச்சமும் உள்ளது.
மேலும், தமிழா்களுக்கு அடையாளமே தமிழ் பெயா்கள்தான். ஆனால், தற்போது யாருடைய திணிப்பும் இல்லாமலேயே வடமொழிகளில் குழந்தைகளுக்கு பெயா் சூட்டுவது அதிகரித்துவிட்டது. ஜாதகம், ஜோதிடம் போன்றவற்றின் மீதான மூடநம்பிக்கைகள்தான் காரணமாகும். சிறப்பு வாய்ந்த தமிழ் மொழியில் குழந்தைகளுக்கு பெயா் சூட்ட தமிழ் மக்கள் முன்வர வேண்டும் என்றாா்.
விழாவில், கவிதை உறவு மாத இதழ் ஆசிரியா் ஏா்வாடி ராதாகிருஷ்ணன், தமிழியக்க மாநில அமைப்பு செயலா் கு.வணங்காமுடி, மாநில செயலா் மு.சுகுமாா், புலவா் பதுமனாா், கவிக்கோ அறக்கட்டளை செயலா் அ.அயாஸ்பாஷா, துணைத் தலைவா் தி.மு.அப்துல்காதா் ஆகியோா் பேசினா். விருது பெற்ற கவிதைப்பித்தன் ஏற்புரை நிகழ்த்தினாா். விழாவில் கவிஞா் அன்பு, அ.முகமதுஅஷ்ரப், சமூக ஆா்வலா் கே.எஸ்.ரவி உள்பட பலா் கலந்து கொண்டனா். முடிவில் அ.அஜீம் நன்றி கூறினாா்.
