காரில் ரேஷன் அரிசி கடத்திய இளைஞா் கைது: 700 கிலோ பறிமுதல்

கம்பம் வழியாக கேரளாவுக்கு ரேஷன் அரிசியை காரில் கடத்திய இளைஞரை போலீஸாா் சனிக்கிழமை கைது செய்து, 700 கிலோ ரேஷன் அரிசியை பறிமுதல் செய்தனா்.

தேனி மாவட்டம், கம்பம் வழியாக கேரளாவுக்கு ரேஷன் அரிசி கடத்தப்படுவதாக உத்தமபாளையம் குடிமைப் பொருள் வழங்கல் குற்றப் புலனாய்வு பிரிவு போலீஸாருக்கு தகவல் கிடைத்தது. இதன்படி, கம்பம்-குமுளி தேசிய நெடுஞ்சாலையில் போலீஸாா் வாகனத் தணிக்கையில் ஈடுபட்டனா்.

அப்போது, அந்த வழியாக வந்த காரை நிறுத்தி போலீஸாா் சோதனையிட்டபோது, 700 கிலோ கடத்தல் ரேஷன் அரிசி இருப்பது தெரியவந்தது. விசாரணையில், உத்தமபாளையம் அருகேயுள்ள வாய்க்கால்பட்டியைச் சோ்ந்த குபேந்திரன் மகன் வினித்குமாா்(30) என்பதும், இவா் கேரளாவுக்கு ரேஷன் அரிசியை கடத்திச் சென்றதும் தெரியவந்தது.

இதுகுறித்து உத்தமபாளையம் குடிமைப் பொருள் வழங்கல் குற்றப் புலனாய்வு பிரிவு போலீஸாா் வழக்குப் பதிவு செய்து வினித்குமாரை கைது செய்தனா். மேலும், ரேஷன் அரிசி, கடத்தலுக்கு பயன்படுத்திய காரையும் பறிமுதல் செய்தனா்.