காரைக்காலில் போக்குவரத்து நெரிசல், விபத்துகளை கட்டுப்படுத்த எடுக்க வேண்டிய நடவடிக்கைகள் குறித்து, அதிகாரிகளுடன் ஆட்சியா் செவ்வாய்க்கிழமை ஆய்வு மேற்கொண்டாா்.
மாவட்ட ஆட்சியா் து. மணிகண்டன் தலைமையில் முதுநிலைக் காவல் கண்காணிப்பாளா் லட்சுமி சௌஜன்யா, பொதுப்பணித்துறை கண்காணிப்புப் பொறியாளா் கே. சந்திரசேகரன், செயற் பொறியாளா் சிதம்பரநாதன், மண்டல காவல் கண்காணிப்பாளா் ஏ. சுப்ரமணியன் (தெற்கு), மின் செயற்பொறியாளா் அனுராதா, நகராட்சி அதிகாரிகள் இதில் கலந்துகொண்டனா்.
காரைக்கால் நகரின் காத்தாபிள்ளைக்கோடி - மாதா கோயில் தெரு சந்திப்பு, அரசு மருத்துவமனை பேருந்து நிறுத்தம், தோமாஸ் அருள் சாலை - காமராஜா் சாலை சந்திப்பு, சந்தைத் திடல் உள்ளிட்ட பகுதிகளில் ஆட்சியா் ஆய்வு செய்தாா்.
போக்குவரத்து நெரிசலை குறைக்கவும், சாலை விபத்துகளை கட்டுப்படுத்தவும் மேற்கொள்ளப்பட வேண்டிய சாலை விரிவாக்க பணிகள், கூடுதல் மின் விளக்குகள் அமைத்தல் , ஃப்ரீ லெஃப்ட் வசதி, வாகனங்கள் நிறுத்தம், நடைமேடை வசதி ஏற்படுத்துதல், மழைக் காலங்களில் மழைநீா் வடிவதற்கு வடிகால் வசதிகளுடன் கூடிய சாலை விரிவாக்கம் செய்தல் குறித்து அதிகாரிகளுடன் ஆலோசனை மேற்கொண்டாா்.
திருநள்ளாறு சாலை சந்திப்புகளில் ஏற்படும் விபத்துகளை கட்டுப்படுத்த போதிய தடுப்புகள் அமைத்து போக்குவரத்துகளை சரி செய்ய வேண்டும் என போக்குவரத்து காவல்துறையினருக்கு அறிவுறுத்தினாா்.
புதிய பேருந்து நிலையம் அருகே புளியங்கொட்டை சாலையில் டெம்போக்கள் சாலையோரங்களில் போக்குவரத்துக்கு இடையூறு இல்லாமல் நிறுத்துதல், அந்த பகுதியில் கழிவுநீா் வடியும்ம வசதியை விரைவுப்படுத்துமாறு பொதுப்பணித்துறை, நகராட்சி நிா்வாகத்துக்கு அறிவுறுத்தினாா்.
காரைக்காலில் சாலை விரிவாக்கப் பணிகள் மற்றும் வடிகால் வசதி ஏற்படுத்துவதற்குத் தேவையான கோப்புகளை விரைந்து தயாா் செய்யுமாறு பொதுப்பணித்துறை அதிகாரிகளுக்கு ஆட்சியா் உத்தரவிட்டாா்.
