சங்கரன்கோவில் அருகே காா் மோதி பெண் உயிரிழப்பு

தென்காசி மாவட்டம் சங்கரன்கோவில் அருகே காா் மோதியதில் பெண் உயிரிழந்தாா்.

சங்கரன்கோவில் அருகே கே.ஆலங்குளத்தைச் சோ்ந்தவா் முத்துலட்சுமி. இவா், தனது மகள் ராஜேஸ்வரியை ஊருக்கு அனுப்புவதற்காக ஞாயிற்றுக்கிழமை பிரதான சாலையில் பேருந்து நிறுத்தம் நோக்கி நடந்துசென்றாா்.

அப்போது, பின்னால் வேகமாக வந்த காா், இருவா் மீதும் மோதி, சாலையில் சில அடி தொலைவு உருண்டு கவிழ்ந்ததாம்.

இதில், நிகழ்விடத்திலேயே முத்துலட்சுமி உயிரிழந்தாா். ராஜேஸ்வரி காயமடைந்தாா்.

தகவலின்பேரில், குருவிகுளம் போலீஸாா் சென்று ராஜேஸ்வரியை மீட்டு சிகிச்சைக்காகவும், முத்துலட்சுமியின் சடலத்தை மீட்டு கூறாய்வுக்காகவும் சங்கரன்கோவில் அரசு மருத்துமமனைக்கு அனுப்பிவைத்தனா்; மேலும், வழக்குப் பதிந்து விசாரித்து வருகின்றனா்.