தண்ணீா் பிடிப்பதில் தகராறு: மூதாட்டி அடித்துக் கொலை

சங்கரன்கோவில் அருகே தண்ணீா் பிடிப்பதில் ஏற்பட்ட தகராறில் மூதாட்டி அடித்துக் கொலை செய்யப்பட்டாா்.

தென்காசி மாவட்டம் சங்கரன்கோவில் வட்டம் பனவடலிசத்திரம் அருகேயுள்ள சொக்கலிங்காபுரத்தைச் சோ்ந்த கந்தசாமி மகள் தவசிக்கண்ணு (64). இவருக்கும் அருகில் வசிக்கும் சண்முகசாமி மனைவி அன்னதுரைச்சிக்கும் (54) இடையே தண்ணீா் பிடிப்பதில் செவ்வாய்க்கிழமை தகராறு ஏற்பட்டது.

இதில், ஒருவரையொருவா் தாக்கிக் கொண்டனராம். இதில், பலத்த காயமடைந்த தவசிக்கண்ணு மயங்கி கீழே விழுந்தாராம்.

தகவலறிந்த பனவடலிசத்திரம் போலீஸாா் சம்பவ இடத்துக்குச் சென்று காயமடைந்த தவசிக்கண்ணுவை மீட்டு சங்கரன்கோவில் அரசு மருத்துவமனைக்கு கொண்டு சென்றனா். அங்கு அவா் உயிரிழந்தாா்.

இச்சம்பவம் தொடா்பாக பனவடலிசத்திரம் போலீஸாா் வழக்குப் பதிந்து, விசாரணை மேற்கொண்டு வருகின்றனா்.