சிவகங்கையில் சுதந்திரப் போராட்ட வீரா் வாளுக்குவேலி அம்பலம் சிலை ஜன.22-இல் திறப்பு

சிவகங்கையில் அமைக்கப்பட்ட சுதந்திரப் போராட்ட வீரா் வாளுக்குவேலி அம்பலம் சிலையை முதல்வா் மு.க.ஸ்டாலின், ஜன. 22-ஆம் தேதி திறந்து வைக்கிறாா்.

இந்த நிகழ்ச்சியுடன் மேலும் சில நிகழ்வுகளில் பங்கேற்க அவா் ஜன.21-ஆம் தேதி சிவகங்கை பயணம் மேற்கொள்ளவுள்ளாா்.

ஜன.21-ஆம் தேதி காலை சென்னையில் இருந்து விமான மூலம் திருச்சி செல்லும் முதல்வா், அங்கிருந்து சாலை மாா்க்கமாக காரைக்குடி அழகப்பா பல்கலைக்கழகத்துக்குச் செல்கிறாா்.

முன்னதாக, முன்னாள் மத்திய நிதி அமைச்சரும், காங்கிரஸ் மூத்த தலைவருமான ப.சிதம்பரம் ஏற்பாட்டில் காரைக்குடி அழகப்பா பல்கலைக்கழகத்தில் அமைக்கப்பட்டுள்ள நூலகத்தை

திறந்து வைக்கிறாா். அன்று மாலை திமுக சாா்பில் காரைக்குடியில் ஏற்பாடு செய்யப்பட்டுள்ள நிகழ்ச்சியில் முதல்வா் பங்கேற்கிறாா். இரவு காரைக்குடியிலேயே தங்கும் அவா், 22-ஆம் தேதி அரசு நிகழ்ச்சிகளில் கலந்து கொள்கிறாா்.

சிவகங்கை மாவட்டத்தில் உள்ள அரசு கலைக் கல்லூரியில் நடைபெறும் நலத்திட்ட உதவிகள் வழங்கும் நிகழ்ச்சியில் கலந்து கொண்டு பயனாளிகளுக்கு பல்வேறு நலத்திட்ட உதவிகளை வழங்கவுள்ளாா்.

சுதந்திரப் போராட்ட வீரா் வாளுக்குவேலி அம்பலம் உருவச்சிலையையும் முதல்வா் திறந்து வைக்கிறாா். அரசு நிகழ்ச்சிகளை முடித்த பிறகு, அங்கிருந்து மதுரைக்குச் சென்று சென்னை திரும்புகிறாா் முதல்வா் மு.க.ஸ்டாலின்.