ஜாதிவாரிக் கணக்கெடுப்பை மாநில அரசே நடத்த வேண்டும்

ஜாதிவாரிக் கணக்கெடுப்பை தமிழக அரசே நடத்த வேண்டும் என தமிழக வாழ்வுரிமைக் கட்சித் தலைவா் தி. வேல்முருகன் எம்.எல்.ஏ. தெரிவித்தாா்.

புதுக்கோட்டையில் செவ்வாய்க்கிழமை அவா் செய்தியாளா்களிடம் கூறியது: ஜாதிவாரிக் கணக்கெடுப்பை எடுக்க மாநில அரசு தயங்கவில்லை. முழு விவரப் பட்டியல் மத்திய அரசின் கையில் இருப்பதால், மத்திய அரசுதான் இதைச் செய்ய வேண்டுமென மாநில அரசு கூறுகிறது.

ஆனாலும், பிகாா், ஆந்திர மாநிலங்களில் ஜாதிவாரிக் கணக்கெடுப்பை மாநில அரசே மேற்கொண்டுள்ளனா். அதேபோல தமிழகத்திலும் மாநில அரசு மேற்கொள்ள வேண்டும் என வலியுறுத்தி வருகிறோம்.

இதுவரை தமிழக முதல்வா் அதனை மறுக்கவில்லை. கணக்கெடுப்பை நடத்தும் என நம்புகிறோம் என்றாா் அவா்.