டிச. 20-இல் செங்கல்பட்டு, காஞ்சிபுரத்தில் தனியாா் துறை வேலைவாய்ப்பு முகாம்

செங்கல்பட்டு, காஞ்சிபுரம் மாவட்டங்களில் தனியாா் துறை வேலைவாய்ப்பு முகாம்கள் வரும் 20-ஆம் தேதி வெள்ளிக்கிழமை நடைபெறுகின்றன.

இதுதொடா்பாக செங்கல்பட்டு ஆட்சியா் ச. அருண்ராஜ் வெளியிட்ட செய்திக்குறிப்பு:

செங்கல்பட்டு மாவட்ட வேலைவாய்ப்புமற்றும் தொழில்நெறி வழிகாட்டும் மையத்தில் வெள்ளிக் கிழமை தனியாா் துறை வேலைவாய்ப்பு முகாம் நடத்தப்பட உள்ளது. முகாமில் 50-க்கும் மேற்பட்ட முன்னணி நிறுவனங்கள்மற்றும் திறன்பயிற்சி அளிக்கும் நிறுவனங்கள் கலந்து கொண்டு சுமாா் 5,000 பணிக்காலியிடங்களுக்கு தேவைக்குரிய நபா்களை, தோ்வு செய்ய உள்ளனா். இவ்வேலைவாய்ப்புமுகாமில் கலந்து கொள்வதற்கு வேலைஅளிப்பவா் மற்றும் வேலை நாடுநா்களுக்கு அனுமதி முற்றிலும் இலவசம். மேலும் வேலையளிப்பவா் மற்றும் வேலைநாடுநா்கள் இணையதளத்தில் பதிந்து கொள்ளலாம்.

மாற்றுத்திறனாளி வேலைநாடுநா்களை தோ்ந்தெடுக்கும்வேலையளிப்பவா்களும் கலந்துகொள்ளலாம். இவ்வேலைவாய்ப்புமுகாமில் எட்டாம் வகுப்பு, 10-ஆம் வகுப்பு, 12- ஆம் வகுப்பு, பட்டப்படிப்பு பி.இ., ஐடிஐ மற்றும் டிப்ளமோ, செவிலியா்கள், மருந்தாளுனா், ஆய்வக உதவியாளா்கள் போன்ற கல்வித்தகுதிஉடைய வேலைநாடுநா்கள் மற்றும் இம்முகாமில் மாற்றுத்திறனாளி வேலை நாடுநா்களும் கலந்து கொண்டு பயன் பெறலாம்.

வயது வரம்பு 18 முதல் 45 வயது வரை உள்ளவா்கள் தங்களுடைய கல்வி சான்றிதழ்கள்நகல்கள், சுயவிவர குறிப்பு (பயோடேட்டா) மற்றும்பாஸ்போா்ட் அளவிலான புகைப்படத்துடன் வெள்ளிக் கிழமை 9.00 மணி முதல் 2.00 மணி வரை ஆட்சியா் அலுவலகஒருங்கிணைந்த கட்டடம், தரைத்தளம், டி-பிளாக், மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் முகாமில் கலந்து கொள்ளலாம்.

முகாம் தொடா்பான விவரங்களுக்கு 044-27426020 மற்றும் 6383460933 / 9486870577 என்ற எண்களில் தொடா்பு கொள்ளலாம் என்றாா்.

காஞ்சிபுரத்தில்...

காஞ்சிபுரத்தில் நடைபெறவுள்ள முகாமில் 1,000-க்கும் மேற்பட்ட காலிப் பணியிடங்களுக்கு ஆள்களைத் தோ்வு செய்யவுள்ளனா். நோ்முகத் தோ்வு காஞ்சிபுரம் மாவட்ட வேலைவாய்ப்பு அலுவலகத்தில் நடைபெறும். மேலும் விபரங்களுக்கு 044-27237124 என்ற எண்ணிலும் தொடா்பு கொண்டு விபரங்களை தெரிந்து கொள்ளலாம்.