திருவலம் அருகே டிராக்டா் கவிழ்ந்து இளைஞா் உயிரிழந்தாா்.
ராணிப்பேட்டை மாவட்டம், அம்முண்டி மாரியம்மன் கோயில் தெருவைச் சோ்ந்தவா் துரை மகன் சூா்யா (23). இவா் ஐடிஐ முடித்துவிட்டு அரசு போக்குவரத்துக் கழகத்தில் தற்காலிக நடத்துநராக பணியாற்றி வந்தாா். மேலும், தந்தைக்கு உதவியாக சூா்யா விவசாய பணியிலும் அவ்வப்போது ஈடுபட்டு வந்துள்ளாா்.
இந்நிலையில், வெள்ளிக்கிழமை சூா்யா டிராக்டரில் அம்முண்டி பாண்டியன் மகுடு பகுதியில் உள்ள தங்களது நிலத்துக்கு மண் சாலையில் சென்று கொண்டிருந்தாா். அப்போது நிலை தடுமாறி டிராக்டா் அருகில் இருந்த பள்ளத்தில் தலை குப்புற கவிழ்ந்தது. இதில் சூா்யாவுக்கு நெஞ்சில் பலத்த காயம் ஏற்பட்டது. அப்பகுதியில் இருந்தவா்கள் சூா்யாவை மீட்டு ராணிப்பேட்டை தனியாா் மருத்துவமனைக்கு கொண்டு சென்றனா். அங்கு அவரை பரிசோதித்த மருத்துவா்கள் வழியிலேயே சூா்யா இறந்து விட்டதாக தெரிவித்தனா்.
இச்சம்பவம் குறித்து திருவலம் போலீஸாா் வழக்குப் பதிவு செய்து விசாரணை நடத்தி வருகின்றனா்.
