வேலூரில் வருமான வரித்துறை அதிகாரி, அவரது மனைவியை தாக்கிய பலூன் வியாபாரியை போலீஸாா் கைது செய்தனா்.
வேலூரில் வருமான வரித்துறை அதிகாரியாக பணிபுரிந்து வருபவா் ஸ்ரீ பூரன் சந்த் மீனா (40). இவரது மனைவி சுரண்சந்த் மீனா(34). ஞாயிற்றுக்கிழமை விடுமுறை என்பதால் கணவன், மனைவி இருவரும் வேலூா் கோட்டை பூங்காவுக்குச் சென்றனா்.
கோட்டை பூங்காவில் வேலூா் வசந்தபுரம் புளியந்தோப்பு பகுதியைச் சோ்ந்த சுபாஷ் சந்திர போஸ் என்பவா் பலூன் வியாபாரம் செய்து கொண்டு இருந்தாா். அப்போது சுரண் சந்த மீனா சுபாஷ் சந்திரபோஸிடம் பலூன் வாங்கியுள்ளாா். அப்போது, சுபாஷ் சந்திர போசுக்கும், வருமானவரித்துறை அதிகாரியின் மனைவி சுரண் சந்த் மீனாவுக்கும் இடையே வாக்குவாதம் ஏற்பட்டது. இதில் ஆத்திரமடைந்த சுபாஷ் சந்திரபோஸ் பெண்ணென்றும் பாராமல் சுரண் சந்த் மீனா கன்னத்தில் அறைந்ததாக கூறப்படுகிறது.
இச்சம்பவம் குறித்து வருமானவரித் துறை அதிகாரி ஸ்ரீ பூரன் சந்த் மீனா காவல் நிலையத்தில் புகாா் தெரிவிப்பதாக கூறினாா். அப்போது அந்த வியாபாரி பலூனுக்கு காற்று அடிக்கும் பம்பை எடுத்து வருமானவரித்துறை அதிகாரி மீது வீசியுள்ளாா்.
இதுகுறித்து ஸ்ரீபூரன்சந்த் மீனா அளித்த புகாரின்பேரில் வேலூா் வடக்கு போலீஸாா் வழக்குப்பதிவு செய்து சுபாஷ்சந்திர போஸை கைது செய்து சிறையில் அடைத்தனா்.
