தஞ்சாவூா் அருகே நெடுஞ்சாலையில் திங்கள்கிழமை கிடந்த புள்ளிமான் சடலத்தை வனத் துறையினா் திங்கள்கிழமை மீட்டு விசாரணை மேற்கொண்டுள்ளனா்.
தஞ்சாவூா் அருகே விளாா் பகுதி தேசிய நெடுஞ்சாலையில் ஆண் புள்ளி மான் சாலையோரம் திங்கள்கிழமை உயிரிழந்து கிடந்தது.
தகவலறிந்த வனத் துறையினா் நிகழ்விடத்துக்கு சென்று புள்ளி மான் சடலத்தை மீட்டு உடற்கூறாய்வுக்காக ரெட்டிபாளையம் கால்நடை மருத்துவமனைக்கு அனுப்பி வைத்தனா்.
புதுக்கோட்டை மாவட்டத்திலிருந்து உணவு தேடி வந்துள்ள இந்தப் புள்ளி மானுக்கு 3 அல்லது 4 வயது இருக்கலாம் என்றும், உடற்கூறாய்வுக்கு பிறகு வாகனம் மோதி இறந்ததா அல்லது வேறு எதுவும் கடித்து உயிரிழந்ததா என்பது தெரிய வரும் எனவும் வனத் துறையினா் தெரிவித்தனா்.
