‘தமிழ்மகள்’ சொற்போா் நிகழ்ச்சி: முதலிடம் பிடித்த மாணவிக்கு ரூ.1 லட்சம் ரொக்கம்

சென்னையில் நடைபெற்ற ‘தமிழ்மகள்’ சொற்போா் நிகழ்ச்சி முதலிடம் பிடித்த மாணவிக்கு ரூ.1 லட்சம் பரிசு வழங்கப்பட்டது.

சென்னை மாநகராட்சி சாா்பில் எழும்பூரில் உள்ள பெரியாா் திடலில் நடைபெற்ற உலக மகளிா் தின விழாவை முன்னிட்டு, கல்லூரி மாணவிகளுக்கான சொற்போா் நிகழ்ச்சி செவ்வாய்கிழமை நடைபெற்றது. நிகழ்ச்சிக்கு மாநகராட்சி மேயா் ஆா்.பிரியா தலைமை வகித்தாா்.

இந்து சமய அறநிலையத் துறை அமைச்சா் பி.கே.சேகா்பாபு, மனிதவள மேலாண்மைத் துறை அமைச்சா் கயல்விழி செல்வராஜ் ஆகியோா் கலந்து கொண்டு நிகழ்ச்சியைத் தொடங்கி வைத்தனா்.

தொடா்ந்து, அரங்கத்தின் வெளியே அமைக்கப்பட்டிருந்த தமிழக அரசின் பெண்களின் உயா்வுக்கான திட்டங்கள் குறித்த புகைப்படக் கண்காட்சியை பட்டிமன்றப் பேச்சாளா் பா்வின் சுல்தானா திறந்து வைத்தாா்.

சொற்போா் நிகழ்வில் பங்கேற்ற 18 மாணவிகள் ‘தலைமை கொள்’, ‘கனவு மெய்ப்பட’, ‘வல்லினம் பெண்ணியம்’, ‘வல்லமை தாராயோ’ என்பன உள்ளிட்ட பல்வேறு தலைப்புகளின் கீழ் பேசினா். ஒவ்வொருவருக்கும் 3 முதல் 4 நிமிடங்கள் பேச அனுமதி அளிக்கப்பட்டது.

நடுவா்களாக முன்னாள் நீதிபதிகள் கே.பி.கே.வாசுகி, எஸ்.ஆனந்தி, இஸ்ரோ விஞ்ஞானி கே.தேன்மொழி ஆகியோா் பங்கேற்று முதல் 3 இடங்களுக்கான மாணவிகளைத் தோ்வு செய்தனா்.

அதன்படி, முதலிடம் பிடித்த கொளத்தூா் அனிதா அச்சிவா்ஸ் அகாடெமியை சோ்ந்த மாணவி துா்காவுக்கு ரூ. 1 லட்சம், 2-ஆம் இடம் பிடித்த டி.ஜி.வைணவக் கல்லூரி மாணவி கயல்விழிக்கு ரூ. 75,000, 3-ஆம் இடம் பிடித்த காயிதே மில்லத் அரசினா் மகளிா் கல்லூரி மாணவி லிகிதாவுக்கு ரூ.50,000 ரொக்கம் பரிசு, சான்றிதழ், தமிழ்மகள் கேடயம் வழங்கப்பட்டன.

நிகழ்ச்சியின் இடையே கானா பாடகி இசைவாணி மற்றும் பாா்வை மாற்றுத்திறன் கொண்ட எஸ்.எஸ்.பிரியவதனா ஆகியோரின் இசை நிகழ்ச்சியும் நடைபெற்றது.

இந்த நிகழ்ச்சியில், முன்னாள் நீதிபதி எஸ்.விமலா, பட்டிமன்றப் பேச்சாளா் பாரதி பாஸ்கா், மலேசியாவின் முன்னாள் அமைச்சரும், தற்போதைய நாடாளுமன்ற உறுப்பினருமான டத்தோ ஸ்ரீ எம்.சரவணன், பாடலாசிரியா் பா.விஜய் மற்றும் கல்லூரி மாணவிகள் கலந்து கொண்டனா்.