தேசிய அளவிலான போட்டியில் 2 ஆம் இடம்: தமிழக பெண்கள் கபடி அணிக்கு பாராட்டு

தேசிய அளவிலான போட்டியில் 2 -ஆம் இடம் பிடித்த தமிழக பெண்கள் கபடி அணிக்கு திருப்பூா் மாவட்ட கபடி கழகம் சாா்பில் பாராட்டு விழா நடைபெற்றது.

இந்திய பள்ளிகள் விளையாட்டு கூட்டமைப்பு சாா்பில் 17 வயதுக்கு உள்பட்டோருக்கான கபடி போட்டி மத்திய பிரதேச மாநிலத்தில் நவம்பா் 16 -ஆம் தேதி முதல் நவம்பா் 20 -ஆம் தேதி வரை நடைபெற்றது.

இதில், இறுதி ஆட்டத்தில் தமிழக பெண்கள் அணி, ஹரியானா மாநில அணியுடன் மோதி, ஒரு புள்ளி வித்தியாசத்தில் 2 -ஆம் இடம் பிடித்தது. இதையடுத்து, திருப்பூா் மாவட்ட அமெச்சூா் கபடி கழகம் சாா்பில் 2 -ஆம் இடம்பிடித்த தமிழக பெண்கள் கபடி அணிக்கான பாராட்டு விழா வெள்ளிக்கிழமை நடைபெற்றது.

இந்நிகழ்ச்சிக்கு, கபடி கழக சோ்மன் கொங்கு வி.கே.முருகேசன் தலைமை வகித்தாா். செயலாளா் ஜெயசித்ரா ஏ.சண்முகம், பொருளாளா் கன்னிமாா்ஸ் ஆறுசாமி ஆகியோா் முன்னிலை வகித்தனா்.

இதில், வெற்றிபெற்ற மாணவிகள் பயிற்சியாளா், தலைமை மேலாளா் மற்றும் மேலாளா் ஆகியோருக்கு நினைவுப் பரிசும், ஊக்கத் தொகையாக 15 பேருக்கு தலா ரூ5 ஆயிரம் வீதம் மொத்தம் ரூ.75 ஆயிரமும் வழங்கப்பட்டது.

இந்நிகழ்ச்சியில், மாவட்ட கபடி கழக துணை சோ்மன் முருகானந்தம், துணைத் தலைவா் ராமதாஸ், செய்தித் தொடா்பாளா் சு.சிவபாலன், திருப்பூா் மாவட்ட உடற்கல்வி ஆய்வாளா் மகேந்திரன், புரவலா்கள் மகாலட்சுமி ரத்தினசாமி, பிரேமா மணி உள்ளிட்டோா் பங்கேற்றனா்.