பக்தா்கள் மீது தண்ணீா் தெளித்த விவகாரம் சுவாமிமலை முருகன் கோயில் ஊழியா்கள் இருவா் பணியிடமாற்றம்

தஞ்சாவூா் மாவட்டம், சுவாமிமலை முருகன் கோயிலில் சனிக்கிழமை இரவு பக்தா்கள் மீது தண்ணீா் தெளித்த பிரச்னையில் 2 ஊழியா்களை அறநிலையத்துறை உதவி ஆணையா் திங்கள்கிழமை பணியிடமாற்றம் செய்து உத்தரவிட்டாா்.

சுவாமிமலை முருகன் கோயில் வளாகத்தில் காா்த்திகை மாத விரதத்திற்காக 50-க்கும் மேற்பட்ட பக்தா்கள் சனிக்கிழமை இரவு தங்கியிருந்தனா். இவா்களை வெளியேறக்கூறிய ஊழியா்கள் சின்னதுரை, சிவசுப்பிரமணியன் இருவரும் பக்தா்கள் மீது தண்ணீரை தெளித்தனா்.

மேலும், அவா்கள் இருந்த இடத்திலும் தண்ணீரை தெளித்தனா். இதனால் அவா்களிடையே வாக்குவாதம் ஏற்பட்டது. இச்சம்பவம் சமூகவலைத் தளத்திலை பரவியது.

இச்சம்பவத்துக்கு இந்து மக்கள் கட்சித்தலைவா் அா்ஜூன்சம்பத், பொதுச்செயலா் குரு.மூா்த்தி, அகில பாரத இந்து மகா சபா மாநிலத்தலைவா் ராமநிரஞ்சன் ஆகியோா் கண்டனம் தெரிவித்தனா்.

இந்நிலையில், இந்து சமய அறநிலையத்துறை உதவி ஆணையா் உமாதேவி, கோயில் ஊழியா்கள் சின்னதுரை, சிவசுப்பிரமணியன் ஆகிய இருவரையும் சக்கரவாகேசுவரா் கோயிலுக்கு பணியிடமாற்றம் செய்து திங்கள்கிழமை உத்தரவிட்டாா்.