பராமரிப்புப் பணிகள்: திருவனந்தபுரம், செங்கோட்டை ரயில் சேவையில் மாற்றம்

கட்டுமானம் மற்றும் பராமரிப்புப் பணிகள் காரணமாக, திருவனந்தபுரம், செங்கோட்டை, நாகா்கோவில் ரயில் சேவையில் மாற்றம் செய்யப்பட்டுள்ளது.

இது குறித்து திருச்சி கோட்ட ரயில்வே நிா்வாகம் வெளியிட்டுள்ள செய்திக்குறிப்பில், ஆரல்வாய்மொழி, என். பனக்குடி பகுதிகளில் புதிய சுரங்கப்பாதை கட்டுமானப் பணிகள் நடைபெறுவதால், திருச்சி - திருவனந்தபுரம் சென்ட்ரல் இன்டா்சிட்டி எக்ஸ்பிரஸ் ரயிலானது (22627) வரும் 23-ஆம் தேதி திருநெல்வேலி - திருவனந்தபுரம் இடையே பகுதியாக ரத்து செய்யப்படுகிறது. இந்த ரயிலானது திருச்சி - திருநெல்வேலி இடையே மட்டும் இயங்கும்.

மறுமாா்க்கமாக, திருவனந்தபுரம் சென்ட்ரல் - திருச்சி இன்டா்சிட்டி எக்ஸ்பிரஸ் ரயிலானது (22628) வரும் 23 ஆம் தேதி திருவனந்தபுரம் - திருநெல்வேலி இடையே பகுதியாக ரத்து செய்யப்படுகிறது. இந்த ரயிலானது திருநெல்வேலியிலிருந்து பிற்பகல் 2.30 மணிக்குப் புறப்படும்.

வழித்தட மாற்றம்

திண்டுக்கல்லில் பொறியியல் மற்றும் தண்டவாளப் பராமரிப்புப் பணிகள் மேற்கொள்ளப்பட உள்ளதால், செங்கோட்டை - மயிலாடுதுறை விரைவு ரயிலானது (16848) வரும் 24, 25, 26, 27, 28, 29 ஆம் தேதிகளில் கள்ளிக்குடி, திருமங்கலம், திருப்பரங்குன்றம், மதுரை, கொடைக்கானல் சாலை, திண்டுக்கல், வடமதுரை, வையம்பட்டி, மணப்பாறை ரயில் நிலையங்களைத் தவிா்த்து விருதுநகா், மானாமதுரை, காரைக்குடி, புதுக்கோட்டை, திருச்சி வழியாக இயக்கப்படும்.

நாகா்கோவில் - மும்பை சிஎஸ்டி எக்ஸ்பிரஸ் ரயிலானது (16352) வரும் 24, 27 ஆம் தேதிகளில் மதுரை, திண்டுக்கல் ரயில் நிலையங்களைத் தவிா்த்து, விருதுநகா், மானாமதுரை, காரைக்குடி, புதுக்கோட்டை, திருச்சி வழியாக இயக்கப்படும்.

கன்னியாகுமரி - ஹவுரா விரைவு ரயிலானது (12666) வரும் 26 ஆம் தேதி மதுரை, திண்டுக்கல் ரயில் நிலையங்களைத் தவிா்த்து, விருதுநகா், மானாமதுரை, காரைக்குடி, புதுக்கோட்டை, திருச்சி வழியாக இயக்கப்படும்.