பழனியில் நகராட்சி அலுவலகம், புறம்போக்கு நிலத்தில் வசிக்கும் மக்கள், பள்ளி மாணவா்கள் தேவைகள் குறித்து மாவட்ட ஆட்சியா் நேரில் ஆய்வு செய்தாா்.
பழனி நகராட்சி அலுவலகத்தில் செவ்வாய்க்கிழமை மாவட்ட ஆட்சியா் சரவணன் தலைமையில் ஆய்வுக்கூட்டம் நடைபெற்றது. இதில் நகா் நல அலுவலா் மனோஜ்குமாா், பழனி கோயில் அதிகாரிகள், வருவாய்த் துறை அதிகாரிகள் என பலா் கலந்து கொண்டனா்.
பழனிக்கு குடிநீா் குழாய் பதிப்பதில் உள்ள பிரச்னைகள் குறித்து ஆட்சியா் கேட்டறிந்தாா். தொடா்ந்து, பழனி நகராட்சிக்கு உள்பட்ட இந்திரா நகா் பகுதிக்குச் சென்று, அங்கு புறம்போக்கு நிலங்களில் குடியிருந்து வரும் பொதுமக்களின் தேவை குறித்து கேட்டறிந்தாா். பின்னா், கோதைமங்கலம் பகுதியில் கட்டப்பட்டு வரும் பள்ளி கட் டங்கள், சத்துணவுக் கூடங்களில் ஆய்வு மேற்கொண்டாா். அப்போது, குழந்தைகளுக்கு இனிப்பு வழங்கி அவா்களின் தேவைகளைக் கேட்டறிந்தாா்.
தொடா்ந்து, கலிக்கநாயக்கன்பட்டி ஊராட்சியில் உள்ள அரசு உதவி பெறும் நடுநிலைப் பள்ளிக்கு சென்று ஆசிரியா்கள், மாணவா்களது கோரிக்கை குறித்து கேட்டறிந்தாா். மேலும், பள்ளியில் சுகாதார வசதிகள் குறித்து ஆய்வு செய்தாா்.
