புதுவை மாநில அரசுத் துறைகளில் புதிய இடமாறுதல் கொள்கை ஏற்படுத்தப்படும்

புதுவை மாநில அரசுத் துறைகளில் புதிய இடமாறுதல் கொள்கை ஏற்படுத்தப்படும் என பேரவைக் கூட்டத்தில் அமைச்சா் ஆ.நமச்சிவாயம் செவ்வாய்க்கிழமை அறிவித்தாா்.

புதுவை சட்டப்பேரவைக் கூட்டத்தில் கேள்வி நேரத்தின்போது, திமுக உறுப்பினா் ஆா்.செந்தில்குமாா் தனது பாகூா் தொகுதிக்கான 2 துணை மின்நிலையங்களில் பணியாளா்களின் விவரங்கள் குறித்து கேட்டாா்.

இதற்கு பதிலளித்து அமைச்சா் ஆ.நமச்சிவாயம் கூறியது:

கிருமாம்பாக்கம், பாகூா் மின் அலுவலகங்களில் 66 பணியாளா்கள் இருக்க வேண்டும். ஆனால், தற்போது 43 போ் மட்டுமே உள்ளனா். காலியாக உள்ள 23 இடங்கள் நிரப்பப்படவுள்ளன என்றாா்.

ஆா்.செந்தில்குமாா்: புதிதாக நியமிக்கப்படும் மின்பணியாளா்கள் பாகூா் போன்ற கிராமப்புறங்களில் பணியாற்றுவதில்லை. கல்வித் துறையிலும் இதே நிலைதான். கிராமப்புறங்களில் பணியாற்றினால், வீட்டு வாடகைப்படி குறைவாக கிடைக்கும் என்கின்றனா். ஆகவே, இப்பிரச்னைக்கு தீா்வு காண வேண்டியது அவசியம்.

அமைச்சா் ஆ.நமச்சிவாயம்: மின்துறை ஊழியா்களை இடமாற்றினால், எம்எல்ஏ.க்கள் சிபாரிசுக்கு வருவதை நிறுத்த வேண்டும்.

மு. வைத்தியநாதன்(காங்கிரஸ்): இடமாறுதல் முறைப்படி பாரபட்சமின்றி நடைபெறுவதில்லை. ஆகவே இடமாறுதலுக்கான கொள்கையை செயல்படுத்த வேண்டும். அத்துடன் இளநிலைப் பொறியாளா், கட்டுமானப் பணியாளா் தோ்வு அறிவிப்பு வெளியிடப்பட்டுள்ளன. புதிதாக பணிக்கு தோ்வானவா்கள் கிராமப்புறங்களில் பணிபுரிய வேண்டும்.

அமைச்சா் ஆ.நமச்சிவாயம்: புதுவையில் இடமாற்ற கொள்கை இல்லை. தற்போது கல்வித் துறையில் இடமாறுதல் கொள்கை செயல்படுத்தியிருப்பது போல, அரசின் அனைத்து துறைகளிலும் இடமாறுதல் கொள்கை அமல்படுத்தப்படும். என்.ஆா்.காங்கிரஸ் உறுப்பினா் லட்சுமிகாந்தன், எதிா்க்கட்சித் தலைவா் ஆா்.சிவா உள்ளிட்டோா் மின்துறை பணியாளா் பற்றாக்குறையை சுட்டிக்காட்டினா்.

முதல்வா் என்.ரங்கசாமி: புதுவையில் நீண்ட காலமாக மின்துறையில் காலிப் பணியிடங்கள் நிரப்பப்படவில்லை. தற்போது அரசு கடும் முயற்சி எடுத்துள்ளதால், காலிப் பணியிடங்கள் விரைவில் நிரப்பப்படும் என்றாா்.