போலி தூதரக சான்றிதழ்களை சமா்ப்பித்து வெளிநாடு வாழ் இந்தியா்களுக்கான இடஒதுக்கீட்டின் (என்ஆா்ஐ) கீழ் எம்பிபிஎஸ் இடங்கள் பெற்ற 3 பேரின் ஒதுக்கீடு ரத்து செய்யப்படுவதாக மருத்துவக் கல்வி மாணவா் சோ்க்கைக் குழு தெரிவித்துள்ளது.
அந்த இடங்கள், வரும் 25-ஆம் தேதி நடைபெறும் சிறப்புக் கலந்தாய்வில் சோ்க்கப்படும் என்றும் அறிவிக்கப்பட்டுள்ளது.
இதுதொடா்பாக மருத்துவக் கல்வி மாணவா் சோ்க்கைக் குழு வெளியிட்ட செய்திக் குறிப்பு: தமிழகத்தில் மருத்துவப் படிப்புகளுக்கான மாணவா் சோ்க்கை வெளிப்படைத்தன்மையுடன் நடைபெற்று வருகின்றன. எந்த விதமான முறைகேடுகளும் அதில் நிகழாத வகையில் பல்வேறு நடவடிக்கைகளை அரசு முன்னெடுத்து வருகிறது.
மருத்துவ மாணவா் சோ்க்கையின் ஒருபகுதியாக மாணவா்களின் சான்றிதழ்களை ஆய்வுக்குட்படுத்தி சரிபாா்ப்பது வழக்கம். அவ்வாறு ஆவணங்களின் உண்மைத்தன்மையை ஆய்வு செய்ததில் நிகழாண்டில் வெளிநாடு வாழ் இந்தியா்களுக்கான இடஒதுக்கீட்டின் கீழ் விண்ணப்பித்திருந்த ஆறு பேரின் தூதரக சான்றிதழ்கள் போலியானவை என்பது கண்டறியப்பட்டது.
அதில் மூன்று போ் எம்பிபிஎஸ் இடங்களுக்கான ஒதுக்கீடு பெற்றவா்களாவா். இதையடுத்து ஆறு பேரும் மருத்துவக் கலந்தாய்வில் இனி பங்கேற்பதற்கு தகுதி நீக்கம் செய்யப்பட்டுள்ளனா். அதுமட்டுமன்றி அவா்களில் மூவருக்கு ஒதுக்கீடு செய்யப்பட்ட எம்பிபிஎஸ் இடங்களும் ரத்து செய்யப்படுகின்றன.
அந்த இடங்கள், வரும் 25-ஆம் தேதி தொடங்க உள்ள சிறப்பு கலந்தாய்வில் காலியிடங்களாக சோ்க்கப்படும்.
போலி சான்றிதழ் அளித்த விவகாரத்தில் தொடா்புடையவா்கள் மீது சட்டரீதியான நடவடிக்கை முன்னெடுக்கப்பட்டு வருகிறது என்று அந்த அறிவிப்பில் தெரிவிக்கப்பட்டுள்ளது.
