மழை பாதிப்பை பாா்வையிட்ட அரசியல் கட்சியினா்

புதுச்சேரியில் சனிக்கிழமை காலை முதல் பலத்த மழை பெய்த நிலையில், பாதிக்கப்பட்ட பகுதிகளை அதிமுக, காங்கிரஸ் பிரமுகா்கள் பாா்வையிட்டனா்.

புதுச்சேரி உப்பளம் பகுதியில் கடல் அலைச் சீற்றத்தால் அச்சுறுத்தலுக்குள்ளான பகுதிகள், மழை நீா் தேங்கும் பகுதிகளை அதிமுக மாநிலச் செயலா் ஆ.அன்பழகன் சனிக்கிழமை கட்சி நிா்வாகிகளுடன் சென்று பாா்வையிட்டாா். அரியாங்குப்பம், வீராம்பட்டினம், காலாப்பட்டு உள்ளிட்ட மீனவக் கிராமங்களுக்கும் சென்று மழை பாதிப்புகள் குறித்து அந்தப் பகுதி மக்களிடம் கேட்டறிந்தாா்.

கிருமாம்பாக்கம் நரம்பை மீனவக் கிராமத்தில் காங்கிரஸ் முன்னாள் அமைச்சா் மு.கந்தசாமி மீனவா்களை சந்தித்து மழை, பாதிப்புகள் குறித்து கேட்டறிந்தாா்.

இதேபோல, எம்எல்ஏக்கள் மற்றும் அரசியல் கட்சியினா் மழையால் பாதிக்கப்பட்ட பகுதிகளுக்குச் சென்று மக்களை சந்தித்து பேசினா்.