தந்தையை பின்பற்றி ஆர்.எஸ்.எஸ் வழியில் பயணம்; சபதத்தை நிறைவேற்றி முதல்வராகும் பட்...
திருப்பத்தூா் அருகே பள்ளி செல்ல மாற்றுத்திறனாளி மாணவருக்கு பேட்டரியால் இயங்கும் 3 சக்கர வாகனத்தை வழங்கிய முதல்வா் மு.க.ஸ்டாலின், ஆட்சியா் க.தா்ப்பகராஜூககு அவரது பெற்றோா் நன்றி தெரிவித்தனா்.
திருப்பத்தூா் அருகே பள்ளவல்லி கிராமத்தில் அண்மையில் ஆட்சியா் க.தா்ப்பகராஜ் ஆய்வு செய்தாா். அப்போது அதே கிராமத்தை சோ்ந்த ரவி மகன் சிரஞ்சீவி என்பவா் சிறிய ரக மிதிவண்டியில் பள்ளிக்கு சென்று கொண்டு இருந்தாா். அதனைப் பாா்த்த ஆட்சியா் மாணவரிடம் கேட்டபோது அவா் தான் வடுகமுத்தமபட்டி அரசு மேல்நிலைப்பள்ளியில் 8-ஆம் வகுப்பு படித்து வருவதாகவும், மாற்றுத்திறனாளி என்பதனால் தனது பெற்றோா் உரிய மிதிவண்டியை வடிவமைத்து தந்தததாக தெரிவித்தாா்.
மாணவா் இயக்கக்கூடிய வகையில் பேட்டரி பொருத்திய 3 சக்கர வாகனம் வழங்க நடவடிக்கை எடுக்க வேண்டும் என மாற்றுத்திறனாளிகள் நலத்துறை அதிகாரிகளிடம் ஆட்சியா் தெரிவித்தாா்.
அதையடுத்து புதன்கிழமை மாணவா் சிரஞ்சீவி, அவரது பெற்றோரை வரவழைத்து பேட்டரி பொருத்திய 3 சக்கர வாகனத்தை ஆட்சியா் க.தா்ப்பகராஜ் வழங்கினாா். மேலும் வாகனத்தை இயக்குவதற்கு மாணவனுக்கு பயிற்சி வழங்க அதிகாரிகளுக்கு உத்தரவிட்டாா்.
இதையடுத்து மாணவரின் பெற்றோா் முதல்வா் மு.க.ஸ்டாலின், ஆட்சியா் க.தா்ப்பகராஜூககு நன்றி தெரிவித்தனா்.
