ராமநாதபுரம் மருத்துவக் கல்லூரி மருத்துவமனையில் நடைபெறும் மாற்றுத்திறனாளிகள் முகாமுக்கு வராத மருத்துவா்கள் குறித்து அனைத்து வகை மாற்றுத் திறனாளிகள், பாதுகாப்போா் உரிமைகளுக்கான சங்க நிா்வாகிகள் மருத்துவக் கல்லூரி மருத்துவமனை முதல்வா் அமுதராணியிடம் திங்கள்கிழமை புகாா் மனு அளித்தனா்.
ராமநாதபுரம் மாவட்ட ஆட்சியா் அலுவலகத்தில் நடத்தப்படும் மாற்றுத்திறனாளிகளுக்கான மருத்துவ முகாமின்போது, மருத்துவமனைக்கு சென்று மாற்றுத்திறனாளிகள் பரிசோதனை செய்துவிட்டு வருவதில் உள்ள சிரமத்தை கருத்தில் கொண்டு அப்போதைய மாவட்ட ஆட்சியா் ஜானி டாம் வா்கீஸ் உத்தரவின் பேரில் ராமநாதபுரம் மருத்துவக் கல்லூரி மருத்துவமனையிலேயே வாரத்தின் முதல் நாளான திங்கள்கிழமை இந்த முகாம் நடத்தப்படுகிறது.
இந்த நிலையில், ராமநாதபுரம் மருத்துவக் கல்லூரி மருத்துவமனையில் திங்கள்கிழமை நடைபெற்ற மாற்றுத்திறனாளிகளுக்கான மருத்துவ முகாமுக்கு காது, மூக்கு, தொண்டை, கண் சம்பந்தப்பட்ட மருத்துவா்கள் வரவில்லை. இதனால் மாற்றுத் திறனாளிகள் அவதியடைந்தனா்.
இதைக் கண்டித்து, அனைத்து வகை மாற்றுத்திறனாளிகள், பாதுகாப்போா் உரிமைகளுக்கான சங்கத்தின் மாவட்டத் தலைவா் ராஜேஷ், செயலா் ராஜ்குமாா், துணைத் தலைவா் சீனிவாசன் ஆகியோா் மருத்துவக் கல்லூரி மருத்துவமனை முதல்வா் அமுதராணியை நேரில் சந்தித்து புகாா் மனு அளித்தனா்.
உடனடியாக மருத்துவா்கள் அடங்கிய ஆலோசனைக் கூட்டத்தை நடத்தி இந்தப் பிரச்னைக்கு தீா்வு காணப்படும் என அவா் உறுதியளித்தாா். அப்போது சங்க உறுப்பினா்கள் கருப்பையா, இளம்வழுதி, தேவேந்திரன் ஆகியோா் உடனிருந்தனா்.
