மாா்க்சிஸ்ட் கம்யூனிஸ்ட் நிதியளிப்பு பொதுக்கூட்டம்

மாா்க்சிஸ்ட் கம்யூனிஸ்ட் கட்சியின் செங்கல்பட்டு மாவட்டக் குழு சாா்பில் நிதியளிப்பு பொதுக்கூட்டம் நடைபெற்றது.

கட்சியின் 24-ஆவது அகில இந்திய மாநாடு ஏப்ரல் 2 முதல் 6 வரை மதுரையில் நடைபெறுகிறது. இதன் ஒரு பகுதியாக தமிழகம் முழுவதும் நடைபெற்று வரும் நிதியளிப்பு பொதுக்கூட்டம் மற்றும் திறந்தவெளி கருத்தரங்கம் நடத்தப்படுகிறது. அதன் ஒரு பகுதியாக பொதுக்கூட்டம் மாநாட்டு வரவேற்பு குழு தலைவா் இ.சங்கா் தலைமையில் நடைபெற்றது.

மாவட்ட செயற்குழு உறுப்பினா் வி. அரிகிருஷ்ணன் வரவேற்றாா். சோஷியலிசம் ஒன்றே உழைப்பாளா்கள் துயா் துடைக்கும் என்ற தலைப்பில் மாநிலச் செயலாளா் பெ.சண்முகம், பாசிச சதிகளை முறியடிக்க அணி திரள்வோம் என்ற தலைப்பில் இந்திய கம்யூனிஸ்ட் கட்சியின் மாநிலத் துணைப் பேச்சாளா் வீரபாண்டியன் பேசினா்

மேலும், , மாா்க்சிஸ்ட் மாநிலக் குழு உறுப்பினா் ஆறுமுக நாயனாா், மாவட்டச் செயலாளா் ப. சு.பாரதி அண்ணா, மாவட்ட செயற்குழு உறுப்பினா் எம்.கலைச்செல்வி, வட்டக் குழு செயலாளா்கள் கே.சேஷாத்திரி, க.புருஷோத்தமன், எம்.செல்வம், எஸ்.ராஜா, கே வேலன், எம்.எஸ்.அா்ஜுன் குமாா், பிகே.ரபீக், எம்.வெங்கடேசன் உள்ளிட்ட பலா் கோரிக்கைகளை விளக்கிப் பேசினா்.

முன்னதாக கட்சியின் மாவட்ட குழு சாா்பில் மாநில செயலா் சண்முகத்திடம் மாநாட்டு நிதியாக ரூ.15 லட்சத்தை மாவட்டச் செயலாளா் பாரதி அண்ணா வழங்கினாா். மாவட்ட செயற்குழு உறுப்பினா் பகத்சிங் தாஸ் நன்றி கூறினாா்.