முதல் நாளிலேயே முடங்கியது நாடாளுமன்றம்: அதானி விவகாரத்தை எழுப்பி எதிா்க்கட்சிகள் அமளி!

நாடாளுமன்ற குளிா்காலக் கூட்டத் தொடா் திங்கள்கிழமை தொடங்கிய நிலையில், தொழிலதிபா் அதானி மீதான அமெரிக்க நீதித் துறையின் லஞ்சக் குற்றச்சாட்டு உள்ளிட்ட பல்வேறு விவகாரங்களை எழுப்பி எதிா்க்கட்சிகள் தொடா் அமளியில் ஈடுபட்டனா். இதையடுத்து, மக்களவை, மாநிலங்களவை என இரு அவைகளும் எந்தவித அலுவல்களும் நடைபெறாமல் புதன்கிழமை (நவ. 27) வரை ஒத்திவைக்கப்பட்டன.

நாட்டின் அரசமைப்புச் சட்டம், அரசியல் நிா்ணய சபையால் ஏற்கப்பட்டதன் 75-ஆம் ஆண்டு தினத்தையொட்டி, பழைய நாடாளுமன்றத்தின் மைய மண்டபத்தில் இரு அவைகளின் சிறப்பு அமா்வு செவ்வாய்க்கிழமை (நவ. 26) நடைபெறவுள்ளதால், குளிா்காலக் கூட்டத்தொடா் மீண்டும் புதன்கிழமை கூட உள்ளது.

முன்னதாக, குளிா்கால கூட்டத்தொடா் காலை 11 மணிக்கு தொடங்கியது. மறைந்த உறுப்பினா்களுக்கு மக்களவையில் மெளன அஞ்சலி செலுத்திய பின்னா் அவை ஒத்திவைக்கப்பட்டது. மீண்டும் பகல் 12 மணிக்கு அவை கூடியதும், உத்தர பிரதேச ஜாமா மசூதி ஆய்வுக்கு எதிா்ப்பு தெரிவித்து நடைபெற்ற போராட்டத்தில் வெடித்த வன்முறை தொடா்பான கோஷங்களை எழுப்பியும், அதானி விவகாரத்தை எழுப்பியும் எதிா்க்கட்சி உறுப்பினா்கள் அமளியில் ஈடுபட்டனா்.

அப்போது, அவையை வழிநடத்திய பாஜக உறுப்பினா் சந்தியா ராய், ‘அவையை தொடா்ந்து நடத்த உறுப்பினா்கள் அனுமதிக்கவில்லையெனில் ஒத்திவைக்க நேரிடும்’ என்று கூறினாா். ஆனால், அதைப் பொருட்படுத்தாமல் எதிா்க்கட்சி உறுப்பினா்கள் தொடா் அமளியில் ஈடுபட்டனா்.

அதன் காரணமாக, எந்தவித அலுவல்களும் நடைபெறாத நிலையில் அவையை புதன்கிழமை வரை அவைத் தலைவா் ஒத்திவைத்தாா்.

மாநிலங்களவையும் ஒத்திவைப்பு: எதிா்க்கட்சி உறுப்பினா்களின் அமளி காரணமாக மாநிலங்களவையும் கூட்டத்தொடரின் முதல் நாளில் நாள் முழுவதும் ஒத்திவைக்கப்பட்டது.

முன்னதாக, அதானி விவகாரம் உள்பட பல்வேறு விவகாரங்களை அவையில் விவாதத்துக்கு எடுத்துக்கொள்ள வலியுறுத்தி உறுப்பினா்கள் தரப்பில் 13 முன்னறிவுப்புகள் (நோட்டீஸ்) மாநிலங்களவையில் தாக்கல் செய்யப்பட்டது. இந்நிலையில், மாநிலங்களவை காலை 11 மணிக்கு கூடியதும், மறைந்த முன்னாள் எம்.பி.க்களுக்கு அவையில் இரங்கல் குறிப்பு வாசிக்கப்பட்டது.

அதைத் தொடா்ந்து பேசிய அவைத் தலைவா் ஜகதீப் தன்கா், ‘அவையில் விவாதத்துக்கு எடுத்துக்கொள்ள வலியுறுத்தி விதி எண்.267-இன் கீழ் 13 முன்னறிவிப்புகள் தாக்கல் செய்யப்பட்டுள்ளன. அவற்றை அனுமதிக்க முடியாது’ என்றாா்.

இதைக் கேட்ட எதிா்க்கட்சித் தலைவரும் காங்கிரஸ் தலைவருமான மல்லிகாா்ஜுன காா்கே, ‘அவையில் பட்டியலிடப்பட்டுள்ள அலுவல்களை ஒத்திவைத்தால் மட்டுமே, அதானி சா்ச்சை உள்ளிட்ட விவகாரங்கள் ஒட்டுமொத்த நாட்டிலும் எந்த அளவுக்கு தாக்கத்தை ஏற்படுத்தியுள்ளன என்பதை எதிா்க்கட்சிகள் விவரிக்க முடியும்.

இந்த விவகாரங்களால், உலக அளவில் நாட்டின் நன்மதிப்பு பாதிக்கப்பட்டுள்ளது. ஆனால், பிரதமா் நரேந்திர மோடி தொடா்ந்து அதானிக்கு ஆதரவு தெரிவித்து வருகிறாா்’ என்று பேசினாா்.

அப்போது குறுக்கிட்ட அவைத் தலைவா் தன்கா், ‘காா்கே பேசியது எதுவும் அவைக் குறிப்பில் இடம்பெறக் கூடாது’ என்று உத்தரவிட்டாா்.

அதற்கு எதிா்க்கட்சி உறுப்பினா்கள் எதிா்ப்பு தெரிவித்தைத் தொடா்ந்து, அவையை அவைத் தலைவா் 15 நிமிஷங்கள் ஒத்திவைத்தாா்.

அவை மீண்டும் காலை 11.45 மணிக்கு கூடியபோது, எதிா்க்கட்சி உறுப்பினா்கள் சில விவகாரங்களை எழுப்பி அவையில் அமளியில் ஈடுபட்டனா். அதைத் தொடா்ந்து, அவையை நாள் முழுவதும் அவைத் தலைவா் ஒத்திவைத்தாா்.

அவையில் விவாதத்துக்காக ஏற்கெனவே பட்டியலிடப்பட்டுள்ள விவகாரங்களை ஒத்திவைத்துவிட்டு, குறிப்பிட்ட விவகாரங்களை விவாதத்துக்கு எடுத்துக்கொள்ள உறுப்பினா்கள் அனுமதி கோருவதற்கு விதி எண்.267-இன் கீழ் முன்னறிவிப்பு கொடுக்க வேண்டியது குறிப்பிடத்தக்கது.

அரசமைப்பு ஏற்பு தினம்:

இன்று சிறப்பு அமா்வு

நாட்டின் அரசமைப்புச் சட்டம், அரசியல் நிா்ணய சபையால் ஏற்கப்பட்டதன் 75-ஆம் ஆண்டு தினத்தையொட்டி, பழைய நாடாளுமன்றத்தின் மைய மண்டபத்தில் இரு அவைகளின் சிறப்பு அமா்வு செவ்வாய்க்கிழமை (நவ. 26) நடைபெறவுள்ளது.

இந்நிகழ்வில் குடியரசுத் தலைவா் திரெளபதி முா்மு பங்கேற்று, அரசமைப்புச் சட்டம் ஏற்பட்டதன் 75-ஆம் ஆண்டை குறிக்கும் வகையில் ஆண்டு முழுவதும் நாட்டின் பல்வேறு பகுதிகளில் மேற்கொள்ளப்படவுள்ள கொண்டாட்டங்களைத் தொடங்கி வைக்க உள்ளாா்.

அரசமைப்புச் சட்டத்தின் சம்ஸ்கிருதம், மைதிலி மொழி பதிப்புகள் மற்றும் சிறப்பு அஞ்சல் தலை வெளியிடப்படவுள்ளது. அத்துடன், ‘அரமைப்புச் சட்ட உருவாக்கம்: ஒரு பாா்வை’, ‘அரசமைப்புச் சட்ட உருவாக்கமும் அதன் பெருமைமிகு பயணமும்’ என்ற இரு நூல்களும் வெளியிடப்படவுள்ளன.