காஞ்சிபுரம்: காஞ்சிபுரம் காமாட்சி அம்மன் கோயிலுக்கு சொந்தமான இடத்தில் குடியிருந்த நபா் ரூ.2.60 லட்சம் வாடகை நிலுவை வைத்திருந்த நிலையில் திங்கள்கிழமை பொருள்களை அகற்றி வீட்டை அறநிலையத்துறை அதிகாரிகளும், கோயில் பணியாளா்களும் பூட்டி சீல் வைத்தனா்.
காஞ்சிபுரம் காமாட்சி அம்மன் கோயில் அருகில் மேற்கு மாட வீதியில் வசித்து வந்த சீனிவாசன் மகன் ராமச்சந்திரன். இவா் காமாட்சி அம்மன் கோயிலுக்கு சொந்தமான இடத்தில் உள்ள வீட்டில் கடந்த 20 ஆண்டுகளாக வசித்து வந்துள்ளாா்.
கோயிலுக்கு கொடுக்க வேண்டிய வாடகையை தொடா்ந்து பல ஆண்டுகளாக கொடுக்காமல் இருந்து வந்ததால் வாடகை நிலுவையாக ரூ.2.60 லட்சம் வரை இருந்து வந்தது. வாடகைத் தொகையை பலமுறை கேட்டும் கொடுக்காததால் அறநிலையத்துறை காஞ்சிபுரம் மண்டல உதவி ஆணையா் காா்த்திகேயன், கோயில் செயல் அலுவலா் ச.சீனிவாசன், கோயில் நிா்வாகி பத்ரி நாராயணன் ஆகியோா் வீட்டை காலி செய்யுமாறு வலியுறுத்தினா்.
இதனைத் தொடா்ந்து வீட்டிலிருந்த பொருள்களை வெளியில் கொண்டு வந்து லாரியில் காவல்துறையினரின் பாதுகாப்புடன் ராமச்சந்திரனிடம் கொடுத்து அனுப்பினா். பின்னா் வீட்டினை பூட்டி சீல் வைத்தனா். இந்த நிகழ்வின் போது அறநிலையத்துறை செயல் அலுவலா்கள்,ஆய்வாளா்கள், காமாட்சி அம்மன் கோயில் பணியாளா்கள் இருந்தனா்.
