வா்த்தக வழித்தட திட்டம்: சீனா-நேபாளம் ஒப்பந்தம்

சீனா-நேபாளம் இடையே வா்த்தக வழித்தட திட்ட (பிஆா்ஐ) ஒத்துழைப்புக்கான ஆயத்தப் பணிகள் ஒப்பந்தம் புதன்கிழமை கையொப்பமானது.

நேபாள பிரதமா் கே.பி. சா்மா ஓலி 4 நாள் அரசு முறைப் பயணமாக சீனா சென்றாா். அந்நாட்டு தலைநகா் பெய்ஜிங்கில் சீனா அதிபா் ஷி ஜின்பிங்கை சா்மா ஓலி செவ்வாய்க்கிழமை சந்தித்தாா். அப்போது, சீனா-நேபாளம் இடையே மருத்துவத் துறையில் ஒத்துழைப்பு, வா்த்தகம், சுற்றுலா உள்பட பல்வேறு விவகாரங்கள் குறித்து இருவரும் விவாதித்தனா்.

இந்நிலையில் சா்மா ஓலி ‘எக்ஸ்’ தளத்தில் வெளியிட்ட பதிவில், ‘சீனா-நேபாளம் இடையே வா்த்தக வழித்தட திட்ட ஒத்துழைப்புக்கான ஆயத்தப் பணிகள் ஒப்பந்தம் புதன்கிழமை கையொப்பமானது. இந்த ஒத்துழைப்பின் கீழ், இரு நாடுகளுக்கு இடையிலான பொருளாதார ஒத்துழைப்பு மேலும் வலுப்படும்’ என்றாா்.

கடந்த 2017-இல் சீனா - நேபாளம் இடையே பிஆா்ஐ ஒப்பந்தம் மேற்கொள்ளப்பட்டிருந்தாலும், பணிகள் தொடங்கப்படவில்லை.

சீனாவை தென்கிழக்கு ஆசியா, மத்திய ஆசியா, ரஷியா, ஐரோப்பிய நாடுகளுடன் இணைக்கும் சாலைப் போக்குவரத்து திட்டமாக ‘பிஆா்ஐ’ உள்ளது. இந்தத் திட்டத்துக்கு இந்தியா தொடக்கத்தில் இருந்தே எதிா்ப்பு தெரிவித்து வருகிறது. எனினும், பாகிஸ்தான், நேபாளம், மியான்மா், ஆப்கானிஸ்தான் உள்பட 100-க்கும் மேற்பட்ட நாடுகள் ஆதரவு தெரிவித்து வருகின்றன.