பிரசாந்த் நீல் இயக்கத்தில் வெளியான கேஜிஎஃப் 1, 2 திரைப்படங்களின் மூலம் இந்திய அளவில் பிரபல தயாரிப்பு நிறுவனமாக ஹொம்பாலே ஃபிலிம்ஸ் மாறியுள்ளது.
இயக்குநர் பிரசாந்த் நீல் நடிகர் பிரபாஸை வைத்து சலார் படத்தினை இயக்கினார். இந்தப் படத்தினையும் ஹொம்பாலே ஃபிலிம்ஸ் தயாரித்தது. 700 கோடிக்கும் அதிகமாக வசூலித்தது.
இந்நிலையில், ஹொம்பாலே ஃபிலிம்ஸின் அடுத்த 3 படங்களில் நடிக்க பிரபாஸ் ஒப்பந்தம் செய்துள்ளார்.
இதனை முன்னிட்டு சலார் 2 திரைப்படத்தின் பணிகள் தொடங்குவதாக அறிவிக்கப்பட்டுள்ளது.
2026, 2027, 2028 ஆகிய ஆண்டுகளில் 3 படங்கள் வெளியாகுமெனவும் தயாரிப்பு நிறுவனம் திட்டமிட்டுள்ளது.
பிரபாஸ் 24ஆவது படமாக தி ராஜா சாப் உருவாகி வருகிறது. 25ஆவது படமாக சந்தீப் வங்கா இயக்கும் ஸ்பிரிட் படம் உருவாகவிருக்கிறது.
இதையும் படிக்க:காஷ்மீர் மக்களின் கண்ணீரோடு..! அமரன் படத்தை விமர்சித்த கோபி நயினார்!
இந்தப் படங்களுக்கு அடுத்த பிரபாஸ் 2027-பிரசாந்த் வர்மா இயக்கத்திலும் 2028இல் லோகேஷ் கனகராஜ் இயக்கத்திலும் நடிக்கவிருப்பதாக தகவல்கள் தெரிவிக்கின்றன.
இது குறித்து ஹொம்பாலே ஃபிலிம்ஸ் கூறியதாவது:
மேட் இன் இந்தியா, பயணம் கடைசிவரை தொடரும்!
ரிபெல் ஸ்டார் பிரபாஸுடன் 3 படங்களில் ஒப்பந்தமாவதை மிகவும் பெருமையுடன் அறிவிக்கிறோம். இந்திய சினிமாவின் சாரம்சத்தை உலகத்துக்கு கொண்டு செல்வதே எங்களின் நோக்கம்.
இதையும் படிக்க: கேம் சேஞ்சர்: கியாரா அத்வானியின் புதிய போஸ்டர்!
மறக்கமுடியாத சினிமாட்டிக் அனுபவத்தை தர எங்களது வாக்குறுதியை தருவதற்கான பிரகடனம் இது. மேடை தயாராக இருக்கிறது. பாதைக்கு எல்லையே இல்லை. சலார்2 உடன் எங்கள் பயணத்தை தொடங்குகிறோம் எனக் குறிப்பிடப்பட்டுள்ளது.
!#PrabhasXHombal3Films
— Hombale Films (@hombalefilms) November 8, 2024
We are proud to unite with the Rebel Star, #Prabhas, in a groundbreaking three-film partnership that celebrates the essence of Indian cinema and aims to take it to the world. This is a declaration of… pic.twitter.com/E4osJGaMgR
