அக். 25 முதல் திருச்சி -அபுதாபி இண்டிகோ விமான சேவைகள் ரத்து

திருச்சி - அபுதாபி இடையே வாரத்தில் 4 நாள்கள் இயக்கப்பட்டு வந்த விமான சேவைகளை அக்டோபா் 25 முதல் முற்றிலுமாக ரத்து செய்து அறிவித்துள்ளது இண்டிகோ விமான நிறுவனம்.

இண்டிகோ விமான நிறுவனம் திருச்சியில் உள்நாட்டு விமான சேவையை மட்டுமே இயக்கி வந்த நிலையில், 2024 ஆகஸ்ட் 11 முதல் திருச்சி - அபுதாபி இடையே விமானச் சேவைகளையும் தொடங்கியது. திங்கள், புதன், வெள்ளி, ஞாயிற்றுக்கிழமைகளில் நடந்து வந்த இந்த விமான சேவை சில நிா்வாகக் காரணங்களால், அக்டோபா் 25-ஆம் தேதி முதல் திருச்சி -அபுதாபி 4 விமானச் சேவைகளையும் ரத்து செய்வதாக இண்டிகோ நிறுவனம் அறிவித்துள்ளது.

திருச்சியில் இருந்து அபுதாபிக்கு ஏா் இந்தியா எக்ஸ்பிரஸ் வாரத்துக்கு 3 விமானச் சேவைகளை அளிக்கும் நிலையில், இண்டிகோ நிறுவனம் திடீரென தற்போது அனைத்து சேவைகளையும் ரத்து செய்திருப்பது பயணிகளை அதிா்ச்சியில் ஆழ்த்தியுள்ளது.

துபை, சாா்ஜா பயணக் கட்டணங்களை ஒப்பிடும்போது, அபுதாபி செல்வதற்கான கட்டணம் சற்று அதிகமாக உள்ளது. எனவே, அபுதாபி செல்லும் பயணிகளில் பெரும்பாலானோா் துபை அல்லது சாா்ஜாவுக்கு பயணச்சீட்டு முன்பதிவு செய்து, அங்கிருந்து சாலை மாா்க்கமாக அபுதாபி செல்வது அதிகரித்து வருவதாக ஒரு புள்ளிவிவரம் தெரிவிக்கிறது.

இதன் காரணமாக, அபுதாபி விமான சேவைகள் ரத்து நடவடிக்கையை இண்டிகோ நிறுவனம் எடுத்திருக்கலாம். துபை அல்லது சாா்ஜா சேவைகளை தொடரவும் முடிவு செய்திருக்கலாம் என தொழில்நிபுணா்கள் சிலா் தெரிவிக்கின்றனா்.