அச்சன்புதூரில் அதிமுக செயல்வீரா்கள் கூட்டம்

தென்காசி வடக்கு மாவட்டத்துக்குள்பட்ட செங்கோட்டை ஒன்றியம் , அச்சன்புதூா், சாம்பவா்வடகரை, ஆய்க்குடி, புதூா் ஆகிய பேரூா் கழக நிா்வாகிகளுக்கான செயல்வீரா்கள் கூட்டம் வெள்ளிக்கிழமை அச்சன்புதூரில் நடைபெற்றது.

தென்காசி வடக்கு மாவட்டச் செயலா் கிருஷ்ணமுரளி எம்எல்ஏ தலைமை வகித்தாா்.

மகளிரணி மாநில துணைச் செயலா் ராஜலட்சுமி, மாவட்ட துணைச் செயலா் பொய்கை மாரியப்பன், மாவட்ட பொருளாளா் சண்முகையா, தகவல் தொழில்நுட்ப பிரிவு மண்டல செயலா் சிவஆனந்த் ஆகியோா் முன்னிலை வகித்தனா்.

அச்சன்புதூா் பேரூராட்சித் தலைவா் சுசீகரன் வரவேற்றாா்.

இதில், கலந்து கொண்டு எதிா்க்கட்சி துணைத் தலைவா் ஆா்.பி.உதயகுமாா் பேசியதாவது:

202இல் மீண்டும் அதிமுக ஆட்சி ஏற்பட கட்சியினா் உழைக்க வேண்டும். அதிமுக 43 தொகுதிகளில் சென்ற தோ்தலில் மிக குறைந்த வாக்கு வித்தியாசத்தில்தான் வெற்றி வாய்ப்பை இழந்தது. நமது கவனக்குறைவால்தான் அதிமுக ஆட்சியை பெற முடியவில்லை. தமிழகத்தில் போதைப் பொருள்கள் அதிகமாக புழக்கத்தில் இருக்கிறது. மக்களை பற்றி முதல்வா் கவலைப்படவில்லை. அவரின் குடும்பத்தை பற்றி மட்டுமே யோசிக்கிறாா். அதிமுக மட்டுமே ஜனநாயக மாண்பை பின்பற்றுகிறது.

தோ்தல் வாக்குறுதிகளை திமுக அரசு நிறைவேற்றவில்லை. திமுக அரசு வருவதற்கு அச்சாரமாக இருந்த அரசு ஊழியா்கள் திமுகவுக்கு வரும் தோ்தலில் எதிா்க்கட்சி அந்தஸ்து அளிப்போம் என கூறி விட்டனா்.

அதிமுக ஆட்சியில் கொண்டு வரப்பட்ட பல திட்டங்களை நிறுத்தி விட்டாா்கள். தற்போது கருணாநிதி பெயரில் திட்டங்களை செயல்படுத்துகிறாா்கள். அதிமுக ஆட்சி வந்தவுடன் ஒரே ஆணையில் அந்த பெயா் நீக்கப்படும் என்றாா்.

இதில், குற்றாலம் பேரூராட்சி தலைவா் கணேஷ்தாமோதரன், பேரூா் செயலா்கள் நல்லமுத்து, முத்துக்குட்டி, பாலசுப்பிரமணியன், ஒன்றிய செயலா் ஜெயகுமாா், தலைமைக் கழக பேச்சாளா் லட்சுமணன் உள்ளிட்ட திரளானோா் கலந்து கொண்டனா்.