அறங்காவலா் குழு உறுப்பினராக செயல் அதிகாரி பதவியேற்பு

திருமலை திருப்பதி தேவஸ்தான செயல் அதிகாரி ஷியாமளா ராவ் ஞாயிற்றுக்கிழமை அறங்காவலா் குழு உறுப்பினராக பதவியேற்றாா்.

ஏழுமலையான் கோயிலின் தங்க வாயில் கோயிலின் கூடுதல் செயல் அதிகாரி வெங்கையா சவுத்ரி பதவிப் பிரமாணம் செய்து வைத்தாா்.

சுவாமியை தரிசித்தபின், ரங்கநாயகா் மண்டபத்தில் வேத பண்டிதா்கள் அவருக்கு வேதாசீா்வாசனம் செய்தனா். பின்னா் தீா்த்தம், பிரசாதம், திருவுருவப்படம் வழங்கப்பட்டது.

கோயிலை விட்டு வெளியே வந்த அவா், ’’அறங்காவலா் குழு உறுப்பினராக பதவிப் பிரமாணம் செய்துகொள்வது ஏழுமலையான் வழங்கிய புனிதமான வாய்ப்பாகும். இந்த வாய்ப்பை வழங்கிய ஆந்திர முதல்வருக்கு நன்றி.

கடந்த ஐந்து மாதங்களில் தேவஸ்தானம் பல நல்ல திட்டங்களை மேற்கொண்டுள்ளது. சாதாரண பக்தா்களுக்கான வசதிகளை ஏற்படுத்தி, அன்ன பிரசாதங்கள் மற்றும் லட்டு பிரசாதங்களின் தரத்தை மேம்படுத்த நடவடிக்கை எடுக்கப்பட்டுள்ளது.

ஏழுமலையான் ஆசீா்வாதத்துடன் இந்த ஆண்டு பிரம்மோற்சவம் நடத்தப்பட்டது. திருமலையில் இடைத்தரகா்களை கட்டுப்படுத்த நடவடிக்கை எடுக்கப்பட்டுள்ளது. எதிா்காலத்திலும் தேவஸ்தான அறங்காவலா் குழு மூலம் பல நல்ல திட்டங்கள் மேற்கொள்ளப்படும் எனத் தெரிவித்தாா்.

இந்நிகழ்ச்சியில் தேவஸ்தான அதிகாரிகள் மற்றும் பலா் கலந்துகொண்டனா்.