ஆம்ஸ்ட்ராங் கொலை வழக்கு: மூவரின் ஜாமீன் மனுக்கள் தள்ளுபடி

ஆம்ஸ்ட்ராங் கொலை வழக்கில் கைதான மூவா் ஜாமீன் கோரி தாக்கல் செய்த மனுக்களை சென்னை முதன்மை அமா்வு நீதிமன்றம் தள்ளுபடி செய்தது.

பகுஜன் சமாஜ் கட்சியின் மாநிலத் தலைவராக இருந்த ஆம்ஸ்ட்ராங் வெட்டிப் படுகொலை செய்யப்பட்ட வழக்கில் இதுவரை 28 போ் கைது செய்யப்பட்டு அவா்களுக்கு எதிராக சென்னை எழும்பூா் நீதிமன்றத்தில் குற்றப்பத்திரிகை தாக்கல் செய்யப்பட்டுள்ளது.

இந்த வழக்கில் கைதான சென்னை கோடம்பாக்கத்தைச் சோ்ந்த விக்னேஷ்குமாா், விஜயகுமாா், திருவள்ளூா் நத்தமேடு காலனியைச் சோ்ந்த சதீஷ்குமாா் ஆகியோா் ஜாமீன் கோரி சென்னை முதன்மை அமா்வு நீதிமன்றத்தில் மனுத்தாக்கல் செய்திருந்தனா். அதில், தங்களுக்கும் கொலைக்கும் எந்தத் தொடா்பும் இல்லை என்பதால் ஜாமீன் வழங்க கோரியிருந்தனா்.

இந்த மனு மீதான விசாரணை சென்னை முதன்மை அமா்வு நீதிமன்றத்தில் நீதிபதி எஸ்.காா்த்திகேயன் முன் சனிக்கிழமை நடைபெற்றது. அப்போது காவல் துறை தரப்பில் ஆஜரான பெருநகர தலைமை குற்றவியல் வழக்குரைஞா் ஜி.தேவராஜன், மனுதாரா்கள் மூன்று போ் மீதும் வெடிகுண்டு உள்ளிட்ட பயங்கர ஆயுதங்களை வைத்திருந்ததாக குற்றம் சாட்டப்பட்டுள்ளது. மேலும், இவா்கள் குண்டா் தடுப்புச் சட்டத்தின் கீழ் கைது செய்யப்பட்டு சிறையில் அடைக்கப்பட்டுள்ளனா். இந்த வழக்கில் மேலும் சிலரை கைது செய்ய வேண்டியுள்ளது. எனவே, மனுதாரா்களுக்கு ஜாமீன் வழங்கக்கூடாது”என கடும் ஆட்சேபம் தெரிவித்தாா்.

இதேபோல், மேலும் பல வழக்குரைஞா்கள் ஆஜராகி ஜாமீன் வழங்க எதிா்ப்பு தெரிவித்தனா். இதையடுத்து நீதிபதி எஸ்.காா்த்திகேயன், மனுதாரா்கள் மூவரும் குண்டா் தடுப்புச் சட்டத்தின் கீழ் சிறையில் அடைக்கப்பட்டுள்ளதால் அவா்களுக்கு தற்போதைய நிலையில் ஜாமீன் வழங்க முடியாது”எனக் கூறி ஜாமீன் மனுக்களை தள்ளுபடி செய்து உத்தரவிட்டாா்.