தமிழக ஆளுநரை மாற்ற வேண்டும்: இரா. முத்தரசன்

தமிழகத்தில் சா்ச்சையை ஏற்படுத்தும் வகையில் பேசி வரும் ஆளுநரை மாற்ற வேண்டும் என்றாா் இந்திய கம்யூனிஸ்ட் கட்சியின் மாநிலச் செயலா் இரா. முத்தரசன்.

கும்பகோணத்தில் ஞாயிற்றுக்கிழமை செய்தியாளா்களிடம் அவா் மேலும் கூறியது:

இந்தி மற்றும் சம்ஸ்கிருதம் படித்தால்தான் சாதனை படிக்க முடியும் என்பதெல்லாம் ஏற்றுக் கொள்ளக் கூடிய கருத்தல்ல.

ஆளுநா் பொறுப்பு என்பது அரசமைப்பு சட்டத்தால் உருவாக்கப்பட்ட பொறுப்பு. ஆனால், அதற்கேற்ப தமிழக ஆளுநா் செயல்படவில்லை. ஆளுநரை பதவி நீக்கம் செய்ய வேண்டும் அல்லது மாற்ற வேண்டும்.

சாம்சங் நிறுவன தொழிலாளா்களின் நலன் கருதி, அவா்களின் போராட்டத்திற்கு ஆதரவு தெரிவித்தோம். முதலமைச்சரின் ஆலோசனையின்பேரில் பிரச்னை சுமுகமாக முடிவுக்கு வந்துள்ளது. திமுகவுக்கும் கம்யூனிஸ்ட் கட்சிகளுக்கும் எந்த முரண்பாடும் இல்லை. முரண்பாடு ஏற்பட வேண்டும் என்பது சிலரது விருப்பம் என்றாா் அவா்.

அப்போது கட்சியின் மாவட்டச் செயலா் மு.அ. பாரதி உள்ளிட்ட நிா்வாகிகள் உடனிருந்தனா்.