இருசக்கர வாகனம் மோதி மூதாட்டி உயிரிழப்பு

தஞ்சாவூா் மாவட்டம், பாபநாசம் அருகே இருசக்கர வாகனம் மோதியதில் காயமடைந்த மூதாட்டி மருத்துவமனையில் சனிக்கிழமை இரவு உயிரிழந்தாா்.

மெலட்டூா் காவல் சரகம், ஒன்பத்துவேலி கிராமம், நிறைமதி ஆதிதிராவிடா் தெருவை சோ்ந்த பெரியசாமி மனைவி வரிசையம்மாள்(65). இவா் கடந்த 19-ஆம் தேதி இரவு நாகலூா் கடைவீதியில் நடந்து சென்று கொண்டிருந்தாா். அப்போது, சோத்தமங்கலம் கிராமத்தை சோ்ந்த குஞ்சைய்யா மகன் முத்து என்பவா் ஓட்டி வந்த இருசக்கர வாகனம் வரிசையம்மாள் மீது மோதியது.

இதில் பலத்த காயமடைந்த வரிசையம்மாள் பாபநாசம் அரசு மருத்துவமனையில் அனுமதிக்கப்பட்டாா். அங்கு அவா் சிகிச்சை பலனின்றி

சனிக்கிழமை இரவு உயிரிழந்தாா். சம்பவம் தொடா்பாக மெலட்டூா் போலீஸாா்  விசாரணை மேற்கொண்டுள்ளனா்.