இண்டியன் வெல்ஸ் ஓபன்: வாகை சூடினாா் ஜேக் டிரேப்பா்

அமெரிக்காவில் நடைபெற்ற இண்டியன் வெல்ஸ் ஓபன் மாஸ்டா்ஸ் டென்னிஸ் போட்டியில் பிரிட்டன் வீரரான ஜேக் டிரேப்பா் (23) சாம்பியன் பட்டம் வென்றாா்.

ஆடவா் ஒற்றையா் பிரிவில் திங்கள்கிழமை நடைபெற்ற இறுதிச்சுற்றில், போட்டித்தரவரிசையில் 13-ஆம் இடத்திலிருந்த டிரேப்பா் 6-2, 6-2 என்ற நோ் செட்களில், 12-ஆம் இடத்திலிருந்த டென்மாா்க்கின் ஹோல்கா் ரூனை வீழ்த்தினாா். இந்த ஆட்டம் ஒரு மணி நேரம், 9 நிமிஷங்களில் முடிவுக்கு வந்தது.

இதன் மூலம் 1000 புள்ளிகள் கொண்ட மாஸ்டா்ஸ் போட்டியில் டிரேப்பா் முதல் முறையாக சாம்பியன் பட்டம் வென்று அசத்தியுள்ளாா். ஒட்டுமொத்தமாக இது அவரின் 3-ஆவது ஏடிபி டூா் பட்டமாக இருக்க, அதில் மிகப் பெரியதும் இந்த இண்டியன் வெல்ஸ் சாம்பியன் பட்டமே ஆகும்.

மேலும், அவுட்டோா் போட்டி, ஹாா்டு கோா்ட் போட்டி ஆகியவற்றில் அவா் வென்றிருக்கும் முதல் பட்டம் இதுவென்பதும் குறிப்பிடத்தக்கது. இதுதவிர, திருத்தப்பட்டு வெளியான உலகத் தரவரிசையிலும் முதல் முறையாக டாப் 10 இடங்களுக்குள் வந்து, 7-ஆம் இடம் பிடித்துள்ளாா்.

கடந்த ஆண்டு சின்சினாட்டி மாஸ்டா்ஸ் போட்டியின் காலிறுதியில் ஹோல்கா் ரூனிடன் தோல்வி கண்ட டிரேப்பா், தற்போது அதற்கு பதிலடி கொடுத்திருக்கிறாா். இவா்களின் நேருக்கு நோ் கணக்கு தற்போது 1-1 என சமநிலையில் இருக்கிறது.

‘‘இந்த அற்புதமான வெற்றியை நான் எதிா்பாா்க்கவில்லை. இதற்காக கடினமாக உழைத்திருக்கிறேன். போட்டி முழுவதுமாக உடல் மற்றும் உளவியல் ரீதியாக பலமாக இருந்ததை எண்ணி மகிழ்ச்சி அடைகிறேன். இந்த வெற்றித் தருணத்தை விவரிக்க வாா்த்தைகள் இல்லை. இதற்கு என்னை தகுதியுடையவனாகவே என்னை நினைக்கிறேன்.

எனது கடின உழைப்பு, தியாகங்கள், என்னைச் சுற்றி இருப்பவா்களும் எனக்காக மேற்கொண்ட முயற்சிகள் ஆகியவற்றுக்கு இந்த வெற்றி தேவையானது. இறுதிச்சுற்றை தகுந்த முறையில் எதிா்கொண்டதாக நினைக்கிறேன். ஹோல்கா் ரூன் நிச்சயம் சிறந்த ஆட்டத்தை வெளிப்படுத்துவாா் என எதிா்பாா்த்தேன். அதனால் தொடக்கத்தில் இருந்தே ஆக்ரோஷத்துடன் விளையாடி, ஆட்டத்தை எனது கட்டுப்பாட்டிலேயே வைத்திருந்தேன்’’ - ஜேக் டிரேப்பா்

1000 புள்ளிகள் கொண்ட மாஸ்டா்ஸ் போட்டியில் சாம்பியன் பட்டம் வென்ற 5-ஆவது பிரிட்டன் வீரா் ஆகியிருக்கிறாா் ஜேக் டிரேப்பா். முன்னதாக, ஆண்டி முா்ரே, டிம் ஹென்மன், கிரெக் ருசெட்ஸ்கி, கேமரூன் நோரி ஆகியோா் மாஸ்டா்ஸ் போட்டிகளில் சாம்பியனாகியுள்ளனா். இண்டியன் வெல்ஸில் சாம்பியனான 2-ஆவது பிரிட்டன் வீரா் டிரேப்பா். முதல் வீரா் கேமரூன் நோரி ஆவாா்.

2021-க்குப் பிறகு, மாஸ்டா்ஸ் போட்டிகளின் இறுதிச்சுற்றில் உலகக் தரவரிசையில் டாப் 10 இடங்களுக்கு வெளியே இருக்கும் போட்டியாளா்கள் மோதிக் கொண்டது இதுவே முதல் முறையாகும்.

2000-ஆம் ஆண்டுக்குப் பிறகு பிறந்த இரு போட்டியாளா்கள், ஏடிபி 1000 நிலையிலான போட்டியின் இறுதிச்சுற்றில் மோதிக் கொண்டது இதுவே முதல் முறையாகும்.

அசத்தல் சாம்பியன் ஆண்ட்ரீவா

இண்டியன் வெல்ஸ் ஓபன் மகளிா் ஒற்றையா் பிரிவில் ரஷியாவின் 17 வயது இளம் வீராங்கனை மிரா ஆண்ட்ரீவா சாம்பியன் கோப்பை வென்று அசத்தினாா்.

போட்டித்தரவரிசையில் 9-ஆம் இடத்திலிருந்த அவா், இறுதிச்சுற்றில் 2-6, 6-4, 6-3 என்ற செட்களில் உலகின் நம்பா் 1 வீராங்கனையான பெலாரஸின் அரினா சபலென்காவை வீழ்த்தி பட்டம் வென்றாா்.

கடந்த மாதம் துபை ஓபன் டென்னிஸ் போட்டியில் சாம்பியனாகியிருந்த ஆண்ட்ரீவா, தொடா்ந்து 2-ஆவது ‘டபிள்யூடிஏ 1000’ போட்டியில் கோப்பையைக் கைப்பற்றி அசத்தியிருக்கிறாா். ஒட்டுமொத்தமாக இது அவரின் 3-ஆவது டபிள்யூடிஏ பட்டமாகும்.

இந்த சீசனை வெற்றிகரமாக கொண்டு செல்லும் ஆண்ட்ரீவா, புதிதாக வெளியான திருத்தப்பட்ட உலகத் தரவரிசையில் முதல் முறையாக 6-ஆவது இடத்துக்கு முன்னேறியுள்ளாா்.

இண்டியன் வெல்ஸ் போட்டியில் முதல் முறையாக இறுதிச்சுற்றுக்கு வந்தபோதே அதில் சாம்பியனாகியிருக்கிறாா் ஆண்ட்ரீவா. மேலும், ஹாா்டு கோா்ட் போட்டிகளில் சபலென்கா - ஆண்ட்ரீவா சந்தித்தது இது 5-ஆவது முறையாக இருக்க, அதில் ஆண்ட்ரீவா முதல் முறையாக வென்றிருக்கிறாா். ஒட்டுமொத்தமாக இவா்கள் 6 முறை நேருக்கு நோ் சந்தித்திருக்க, ஆண்ட்ரீவா தற்போது 2-4 என முன்னேறி வருகிறாா்.

டபிள்யூடிஏ 1000 நிலையிலான போட்டிகள் தொடங்கப்பட்ட 2009 முதல், அந்தப் போட்டிகளில் தொடா்ந்து 12 வெற்றிகளை பதிவு செய்த இளம் வீராங்கனை (17) என்ற பெருமையை ஆண்ட்ரீவா பெற்றுள்ளாா்.

உலகின் 11-ஆம் நிலை வீராங்கனையாக இந்தப் போட்டிக்கு வந்த ஆண்ட்ரீவா, கடந்த 40 ஆண்டுகளில் ஒரே டபிள்யூடிஏ போட்டியில் உலகின் நம்பா் 1 மற்றும் நம்பா் 2 வீராங்கனைகளை வீழ்த்திய இளம் வீராங்கனை என்ற பெருமையைப் பெற்றாா். அதிலும், 2-ஆம் நிலையில் இருக்கும் ஸ்வியாடெக்கை 2 போட்டிகளில் சந்தித்த ஆண்ட்ரீவா, இரண்டிலுமே அவரை வென்றிருக்கிறாா்.

இண்டியன் வெல்ஸ் போட்டியில் வாகை சூடிய 3-ஆவது இளம் போட்டியாளா் ஆண்ட்ரீவா. இதற்கு முன் 1998-இல் சுவிட்ஸா்லாந்தின் மாா்டினா ஹிங்கிஸ் (18), 1999-இல் அமெரிக்காவின் செரீனா வில்லியம்ஸ் (18) ஆகியோா் இளம் வீராங்கனைகளாக இங்கும் பட்டம் வென்றிருந்தனா்.

‘‘இந்த சாம்பியன் பட்டத்துக்காக முதலில் எனக்கு நன்றி தெரிவித்துக்கொள்கிறேன். இறுதிவரை போராடியதற்காகவும், என் மீது நான் கொண்ட நம்பிக்கைக்காகவும், தோல்விகளால் சோா்ந்து போகாமல் இருப்பதற்காகவும் அந்த நன்றி.

இந்த இறுதி ஆட்டத்தில் ஒரு முயலைப் போல இங்கும், அங்கும் ஓடிக்கொண்டிருந்தேன். கடினமாக இருந்தபோதும், எனது சிறந்த ஆட்டத்தை வெளிப்படுத்தினேன்.

சபலென்காவிடம் முதல் செட்டை இழந்த பிறகு, 2-ஆவது செட்டில் சற்று ஆக்ரோஷமாக விளையாடினேன். அவரை கடினமாக எதிா்த்து விளையாடுவது என்பது இயலாத விஷயம். எனவே, ஒவ்வொரு பாய்ன்ட், ஒவ்வொரு கேமாக இலக்கு வைத்து விளையாடினேன். அதற்கு பலன் கிடைத்தது’’ - மிரா ஆண்ட்ரீவா

கோடிகளில் ரொக்கப் பரிசு

ஆடவா் ஒற்றையரில் சாம்பியனான ஜேக் டிரேப்பருக்கு ரூ.10.42 கோடியும், 2-ஆம் இடம் பிடித்த ஹோல்கா் ரூனுக்கு ரூ.5.54 கோடியும் ரொக்கப் பரிசாக வழங்கப்பட்டது.

அதேபோல், மகளிா் ஒற்றையா் சாம்பியனான மிரா ஆண்ட்ரீவாவுக்கு ரூ.9.78 கோடியும், ரன்னா் அப்-ஆக வந்த அரினா சபலென்காவுக்கு ரூ.5.20 கோடியும் கிடைத்தன.

சாம்பியன் ஆனோருக்கு தலா 1000 ரேங்கிங் புள்ளிகளும், 2-ஆம் இடம் பிடித்தோருக்கு தலா 650 ரேங்கிங் புள்ளிகளும் வழங்கப்பட்டன.

வெற்றிப் பாதை...

ஜேக் டிரேப்பா்

முதல் சுற்று ஜாவ் ஃபொன்சேகா (பிரேஸில்) 6-4, 6-0

2-ஆவது சுற்று ஜென்சன் புரூக்ஸ்பி (அமெரிக்கா) 7-5, 6-4

3-ஆவது சுற்று டெய்லா் ஃப்ரிட்ஸ் (அமெரிக்கா) 7-5, 6-4

காலிறுதிச்சுற்று பென் ஷெல்டன் (அமெரிக்கா) 6-4, 7-5

அரையிறுதிச்சுற்று காா்லோஸ் அல்கராஸ் (ஸ்பெயின்) 6-1, 0-6, 6-4

இறுதிச்சுற்று ஹோல்கா் ரூன் (டென்மாா்க்) 6-2, 6-2

மிரா ஆண்ட்ரீவா

முதல் சுற்று வாா்வரா கிராசெவா (பிரான்ஸ்) 7-5, 6-4

2-ஆவது சுற்று கிளாரா டௌசன் (டென்மாா்க்) 6-3, 6-0

3-ஆவது சுற்று எலனா ரைபகினா (கஜகஸ்தான்) 6-1, 6-2

காலிறுதிச்சுற்று எலினா ஸ்விடோலினா (உக்ரைன்) 7-5, 6-3

அரையிறுதிச்சுற்று இகா ஸ்வியாடெக் (போலந்து) 7-6 (7/1), 1-6, 6-3

இறுதிச்சுற்று அரினா சபலென்கா (பெலாரஸ்) 2-6, 6-4, 6-3

திருத்தப்பட்ட தரவரிசை (டாப் 10)

ஏடிபி

தரவரிசை போட்டியாளா் புள்ளிகள்

1 யானிக் சின்னா் (இத்தாலி) 11,330

2 அலெக்ஸாண்டா் ஸ்வெரெவ் (ஜொ்மனி) 7,945

3 காா்லோஸ் அல்கராஸ் (ஸ்பெயின்) 6,910

4 டெய்லா் ஃப்ரிட்ஸ் (அமெரிக்கா) 4,900

5 நோவக் ஜோகோவிச் (சொ்பியா)+2 3,860

6 கேஸ்பா் ரூட் (நாா்வே) -1 3,855

7 ஜேக் டிரேப்பா் (பிரிட்டன்)+7 3,800

8 டேனியல் மெத்வதெவ் (ரஷியா)-2 3,680

9 ஆண்ட்ரே ரூபலேவ் (ரஷியா)-1 3,440

10 எஸ்.சிட்சிபாஸ் (கிரீஸ்)-1 3,405

டபிள்யூடிஏ

தரவரிசை போட்டியாளா் புள்ளிகள்

1 அரினா சபலென்கா (பெலாரஸ்) 9,606

2 இகா ஸ்வியாடெக் (போலந்து) 7,375

3 கோகோ கௌஃப் (அமெரிக்கா) 6,063

4 ஜெஸ்ஸிகா பெகுலா (அமெரிக்கா) 5,361

5 மேடிசன் கீஸ் (அமெரிக்கா) 5,004

6 மிரா ஆண்ட்ரீவா (ரஷியா)+5 4,710

7 ஜாஸ்மின் பாலினி (இத்தாலி)-1 4,518

8 எலனா ரைபகினா (கஜகஸ்தான்)-1 4,448

9 கின்வென் ஜெங் (சீனா) 3,985

10 எம்மா நவாரோ (அமெரிக்கா)-2 3,859