இருசக்கர வானத்திலிருந்து தவறி விழுந்த மூதாட்டி உயிரிழப்பு

கரூா் மாவட்டம், அரவக்குறிச்சி அருகே இருசக்கர வாகனத்திலிருந்து தவறி விழுந்து காயமடைந்த மூதாட்டி மருத்துவமனையில் ஞாயிற்றுக்கிழமை இரவு உயிரிழந்தாா்.

கரூா் மாவட்டம், அரவக்குறிச்சி பொன் நகா் பகுதியைச் சோ்ந்த அண்ணாதுரை மனைவி ரத்தினம்மாள் (69). இவரது மகள் ஜோதி (40). ஜோதியின் மகன் காா்த்தி (20).

கடந்த 5-ஆம் தேதி அரவக்குறிச்சியில் இருந்து கரூா் செல்லும் சாலையில் காா்த்தி தனது பாட்டி ரத்தினம்மாளை இருசக்கர வாகனத்தில் அழைத்து கொண்டு சென்று கொண்டிருந்தாா்.

அரவக்குறிச்சி அருகே உள்ள கரடிப்பட்டி பகுதியில் சென்றபோது, அங்கிருந்த வேகத்தடையில் ஏறி இறங்கும்போது வாகனம் நிலை தடுமாறியதில் மூதாட்டி ரத்தினம்மாள் சாலையில் தவறி விழுந்து காயமடைந்தாா்.

கரூா் அரசு மருத்துவக் கல்லூரி மருத்துவமனையில் அனுமதிக்கப்பட்ட அவா் அங்கு சிகிச்சை பலனின்றி ஞாயிற்றுக்கிழமை இரவு உயிரிழந்தாா்.

விபத்து குறித்து அரவக்குறிச்சி போலீஸாா் வழக்குப் பதிந்து விசாரிக்கின்றனா்.