சன்ரைசர்ஸ் ஹைதராபாத் அணியில் பிரைடன் கார்ஸுக்கு பதிலாக முல்டர் சேர்ப்பு!
ஐசிசியின் ஒருநாள் தரவரிசைப் பட்டியலில் இந்தியாவின் விராட் கோலி, ஷ்ரேயஸ் ஐயர் ஆகியோர் முன்னேற்றம் பெற்றுள்ளனர்.
சர்வதேச கிரிக்கெட் தரவரிசைப் பட்டியல் வாரந்தோறும் புதன்கிழமை வெளியிடப்படுவது வழக்கம். அதன்படி, இந்த வாரத்துக்கான ஒருநாள் தரவரிசைப் பட்டியல் இன்று(மார்ச் 5) வெளியிடப்பட்டுள்ளது. சாம்பியன்ஸ் டிராபி தொடரில் சிறப்பாக விளையாடி வரும் வீரர்கள் இந்தப் பட்டியலில் முன்னேற்றம் பெற்று வருகின்றனர்.
இதையும் படிக்க: சாதனைகளைவிட அணியின் வெற்றியே முக்கியம்! -விராட் கோலி
அதன்படி, சிறப்பான ஆட்டத்தை வெளிப்படுத்தி வரும் விராட் கோலி, ஷ்ரேயஸ் ஐயர் ஆகியோர் புள்ளிப்பட்டியலில் முன்னேற்றம் பெற்றுள்ளனர். ஷ்ரேயஸ் ஐயர் ஒரு இடம் முன்னேறி 8-வது இடத்தைப் பிடித்துள்ளார்.
பாகிஸ்தான் மற்றும் ஆஸ்திரேலியா அணிகளுக்கு எதிராக சிறப்பான ஆட்டத்தை வெளிப்படுத்திய விராட் கோலியும் ஒரு இடம் முன்னேறி 4-வது இடத்தைப் பிடித்துள்ளார்.
இவர்கள் தவிர்த்து இங்கிலாந்துக்கு எதிரான போட்டியில் 177 ரன்கள் விளாசி புதிய சாதனை படைத்த ஆப்கானிஸ்தான் வீரர் இப்ராஹிம் ஸ்த்ரான் அதிரடியாக 13 இடங்கள் முன்னேறி முதல் 10 இடங்களை எட்டியுள்ளார். அதேவேளையில் இந்திய அணி கேப்டன் 2 இடங்கள் சரிந்து 5 வது இடத்தைப் பிடித்துள்ளார்.
இதையும் படிக்க: திடீரென ஓய்வை அறிவித்தது ஏன்? ஸ்டீவ் ஸ்மித் விளக்கம்!
ஐசிசி தரவரிசையில் முதல் 10 இடங்கள்
ஷுப்மன் கில் -791 புள்ளிகள்
பாபர் அசாம் - 770 புள்ளிகள்
ஹென்ரிச் கிளாசன் -760 புள்ளிகள்
விராட் கோலி - 747 புள்ளிகள்
ரோஹித் சர்மா -745 புள்ளிகள்
ஹாரி டெக்டர் -713 புள்ளிகள்
டேரில் மிட்செல் -705 புள்ளிகள்
ஸ்ரேயாஸ் ஐயர்-702 புள்ளிகள்
சரித் அசலங்கா -694 புள்ளிகள்
இப்ராஹிம் ஸ்த்ரான் - 676 புள்ளிகள்
இதையும் படிக்க: ஒருநாள் போட்டிகளில் இருந்து ஸ்டீவ் ஸ்மித் திடீர் ஓய்வு! ரசிகர்கள் அதிர்ச்சி!
