மகாராஷ்டிரம், ஜார்க்கண்ட் தேர்தல்: மகாராஷ்டிரத்தில் 96 தொகுதிகளில் பாஜக முன்னில...
தூத்துக்குடி மாவட்டம், ஓட்டப்பிடாரம் தொகுதியில் 3 இடங்களில் சட்டப்பேரவை உறுப்பினா் தொகுதி மேம்பாட்டு நிதியிலிருந்து ரூ.26 லட்சத்தில் கட்டுமானப் பணிகளை எம்எல்ஏ சனிக்கிழமை தொடங்கி வைத்தாா்.
ஒட்டப்பிடாரம் சட்டப்பேரவைத் தொகுதிக்குள்பட்ட தெற்கு சிலுக்கன்பட்டி ஊராட்சியில் ரூ.10 லட்சத்தில் புதிதாக பல்நோக்கு கட்டடம் கட்டும் பணி, குமாரகிரி ஊராட்சி புதுக்கோட்டை விநாயகா் கோயில் அருகே ரூ.6 லட்சத்தில் பயணியா் நிழற்குடை , கூட்டுடன்காடு ஊராட்சி நடுக்கூட்டுடன்காடு கிராமத்தில் ரூ.10 லட்சத்தில் புதிய கலையரங்கம் கட்டும் பணி என மொத்தம் ரூ.26 லட்சத்தில் வளா்ச்சிப் பணிகளுக்கு ஓட்டப்பிடாரம் எம்எல்ஏ
எம்.சி. சண்முகையா அடிக்கல் நாட்டிதொடங்கி வைத்தாா்.
தொடா்ந்து அவா், புதுக்கோட்டையில் உள்ள ஆதிதிராவிடா் மாணவிகள் தங்கும் விடுதியில், திடீா் ஆய்வு மேற்கொண்டு, அங்கு மாணவிகளுக்கு வழங்கப்படும் உணவின் தரம் குறித்து ஆய்வு செய்தாா். மேலும், அங்கு அடிப்படை வசதிகள் குறித்து விடுதி காப்பாளரிடம் கேட்டறிந்தாா்.
இந்நிகழ்ச்சியில், வட்டார வளா்ச்சி அலுவலா் ஹைகோா்ட் ராஜா, பொறியாளா் ரவி, திமுக ஒன்றியச் செயலா் ஜெயக்கொடி, துணைச் செயலா் ஹரிபாலகிருஷ்ணன், ஊராட்சி மன்றத் தலைவா் மாங்கனி உள்பட பலா் பங்கேற்றனா்.
