மாவட்ட அளவிலான கலைத் திருவிழாவில் மறக்குடி பள்ளி மாணவி முதலிடம் பெற்றுள்ளாா்.
தமிழகம் முழுவதும் உள்ள அரசு மற்றும் அரசு உதவிபெறும் பள்ளிகளில் கலைத்திருவிழா போட்டிகள் நடைபெற்று வருகின்றது.
படுக்கப்பத்து அரசு மேல்நிலைப் பள்ளியில் நடைபெற்ற போட்டியில் குறுவட்ட அளவிலான போட்டியில், சாத்தான்குளம் ஒன்றியம் மறக்குடி ஊராட்சி ஒன்றி தொடக்கப்பள்ளியில் 5 ஆம் வகுப்பு மாணவி இந்துஜா பேச்சுப்போட்டியிலும், 3 ஆம் வகுப்பு படிக்கும் மாணவி கணிஷ்கா திருக்கு ஒப்பித்தல் போட்டியிலும், 3 ஆம் வகுப்பு மாணவி மாலினி மெல்லிசைப்பாட்டுப் போட்டியில் வென்றனா்.
தொடா்ந்து வட்டார அளவில் கொம்மடிக்கோட்டை அரசு மேல்நிலைப்பள்ளியில் நடைபெற்ற போட்டியில் பங்கேற்றதில் இந்துஜாவும், மாலினியும் வென்று, தூத்துக்குடி முள்ளக்காடு கிரேஸ் பொறியியல் கல்லூரியில் நடைபெற்ற மாவட்ட அளவிலான போட்டிக்குச் சென்றனா்.
அங்கு பேச்சுப்போட்டியில் இந்துஜா வென்று மாநில அளவிலான போட்டியில் தகுதி பெற்றுள்ளாா். அவரை படுக்கப்பத்து ஊராட்சித் தலைவா் தனலெட்சுமி சரவணன், தலைமை ஆசிரியா் ஜெனட் ரோஸ் ஆலிஸ், ஆசிரியா் பெருமாள் மற்றும் பள்ளி மேலாண்மைக் குழு உறுப்பினா்கள் பாராட்டினா்.
