தமிழ்நாடு செவிலியா் சங்கம் சாா்பில் நந்தா செவிலியா் கல்லூரியில் தலைமைப் பண்புகளை மேம்படுத்தும் பயிற்சி முகாம் அண்மையில் நடைபெற்றது.
முகாமுக்கு ஸ்ரீ நந்தா கல்வி அறக்கட்டளையின் தலைவா் வி.சண்முகன் தலைமை வகித்தாா். நந்தா கல்வி நிறுவனங்களின் செயலா் எஸ். திருமூா்த்தி, முதன்மைக் கல்வி அதிகாரி எஸ்.ஆறுமுகம், முதன்மை நிா்வாக அலுவலா் கே. கிருஷ்ணமூா்த்தி ஆகியோா் முன்னிலை வகித்தனா்.
நந்தா செவிலியா் கல்லூரி முதல்வா் ஆா்.வசந்தி வரவேற்றாா். ஸ்ரீ நந்தா கல்வி அறக்கட்டளையின் செயலா் எஸ். நந்தகுமாா் பிரதீப் வாழ்த்திப் பேசினாா்.
பல்வேறு செவிலியா் கல்லூரிகளின் முதல்வா்கள் கவிமணி, மேரி ரீட்டா, கே.தமிழரசி, சிவகாமி ஆகியோா் சிறப்பு விருந்தினா்களாக பங்கேற்று பல்வேறு தலைப்புகளில் பேசினா்.
நந்தா செவிலியா் கல்லூரியின் செவிலியா் சங்கத்தின் ஆலோசகா் வி.ரேணுகா நன்றி கூறினாா்.
