கரோனா பாதிப்பு: இளைஞா் உயிரிழப்பு

விழுப்புரம் மாவட்டம், திண்டிவனம் அருகே கரோனா நோய்த் தொற்றால் பாதிக்கப்பட்ட இளைஞா் மூச்சுத் திணறல் ஏற்பட்டு வெள்ளிக்கிழமை உயிரிழந்தாா்.

திண்டிவனம் அருகிலுள்ள பெரப்பேரி கிராமத்தைச் சோ்ந்த சுமாா் 34 வயது நபா், தெலங்கானா மாநிலம், ஹைதராபாதில் தங்கி மின் தூக்கி பராமரிப்பாளராகப் பணியாற்றி வந்தாா்.

இவருக்கு கரோனா நோய்த் தொற்று பாதிப்பிருப்பது கடந்த மே 27-ஆம் தேதி ஹைதராபாதிலுள்ள தனியாா் மருத்துவமனையில் கண்டறியப்பட்டது. இதைத் தொடா்ந்து, அங்கு சிகிச்சை பெற்று வந்த அவா், சொந்த ஊா் திரும்பினாா்.

பின்னா், புதுச்சேரி ஜிப்மா் மருத்துவமனையில் புறநோயாளியாகச் சென்று மருந்து, மாத்திரைகளை வாங்கி சாப்பிட்ட அந்த இளைஞா், அங்கு சிறப்பு வாா்டு ஏதும் இல்லாததால் வீட்டிலேயே தன்னை தனிமைப்படுத்திக் கொண்டாா்.

இந்த நிலையில், வெள்ளிக்கிழமை காலை அவருக்கு திடீரென மூச்சுத்திணறல் ஏற்பட்டதையடுத்து, விழுப்புரம் அரசு மருத்துவக் கல்லூரி மருத்துவமனையில் காலை 8 மணிக்கு அனுமதிக்கப்பட்டாா். அந்த இளைஞருக்கு மருத்துவா்கள் தீவிர சிகிச்சையளித்த நிலையில் காலை 9.30 மணிக்கு உயிரிழந்தாா்.

இணை நோய் பாதிப்பு: இதுகுறித்து சுகாதாரத் துறை அலுவலா்கள் கூறியதாவது: உயிரிழந்த பெரப்பேரி கிராமத்தைச் சோ்ந்த இளைஞருக்கு முன்னதாக வெள்ளிக்கிழமை காலை மீண்டும் பரிசோதனை செய்யப்பட்டதில், கரோனா நோய்த் தொற்றுப் பாதிப்பு இல்லை எனத் தெரியவந்தது.

ஆனாலும், அந்த நபருக்கு கட்டுப்பாடில்லாத நீரிழிவு நோய், இருதய நோய் மற்றும் காசநோய் பாதிப்பு ஆகியவை இருந்து வந்த நிலையில், தற்போது உடல்நலம் பாதிக்கப்பட்டு உயிரிழந்துள்ளாா் என்றனா்.

தனிமைப்படுத்தப்பட்ட 7 போ்: உயிரிழந்த நபருக்கு ஏற்கெனவே கரோனா நோய்த் தொற்றுப் பாதிப்பு உறுதி செய்யப்பட்டிருந்த நிலையில், அவருடன் குடும்பத்திலிருந்த 6 போ், நண்பா் ஒருவா் என 7 பேரை அவா்களது வீடுகளிலேயே தனிமைப்படுத்தி மருத்துவக் குழுவினா் மூலம் உரிய மருந்து, மாத்திரைகளை வழங்கி வருகிறோம். தொடா்ந்து, ஒரு வாரம் மருத்துவக் குழுவினரின் கண்காணிப்பில் அவா்கள் இருப்பாா்கள். வெளியில் எங்கும் செல்லக் கூடாது என அறிவுறுத்தியுள்ளோம் என்றும் சுகாதாரத் துறை அலுவலா்கள் தெரிவித்தனா்.