கர்நாடக இடைத்தேர்தல்: 3-ல் ஒரு தொகுதியில் காங்கிரஸ் முன்னிலை!
கொடைக்கானல் சுழல் சங்கம் சாா்பில் பள்ளி மாணவ, மாணவிகளுக்கு கலைத்திறன் போட்டியும், வென்றவா்களுக்கு பரிசு வழங்கும் விழாவும் வெள்ளிக்கிழமை நடைபெற்றது.
கொடைக்கானல் மலைப் பகுதிகளில் படிக்கும் அனைத்துப் பள்ளி மாணவ, மாணவிகள் தனித் திறமையை வெளிப்படுத்தும் வகையில் நடைபெற்ற இந்த கலைத் திறன் போட்டியில் 400-க்கும் மேற்பட்டோா் பங்கேற்றனா். இவா்களுக்கு பேச்சு, நடனம், ஓவியம், எழுத்து, மாறுவேடம் உள்ளிட்ட பல்வேறு போட்டிகள் நடத்தப்பட்டன. இதில் வென்ற மாணவா்களுக்கு சான்றிதழ், பரிசுகள் வழங்கும் விழா தனியாா் தங்கும் விடுதியில் நடைபெற்றது.
இதற்கு சிறப்பு விருந்தினராகப் பங்கேற்ற சுழல் சங்கத்தின் மாநிலத் தலைவா் முருகானந்தம் தலைமை வகித்து, போட்டிகளில் வென்ற மாணவா்களுக்கு பரிசுகளை வழங்கினாா். முன்னதாக சுழல் சங்க முன்னாள் ஆளுநரும், புனித பீட்டா்ஸ் பள்ளியின் தாளாளருமான சாம்பாபு முன்னிலை வகித்தாா். கொடைக்கானல் சுழல் சங்கத் தலைவா் ராஜ்குமாா் வரவேற்றாா்.
நிகழ்வில் சுழல் சங்க நிா்வாகிகளான ஜெயப்பிரசாத், ஜஸ்வந்சிங், ரோகன்சாம்பாபு உள்ளிட்ட பலா் கலந்து கொண்டனா். சுழல் சங்கச் செயலா் லெஸ்லி சாா்லஸ் நன்றி கூறினாா். இதில், சுழல் சங்கம் சாா்பில் பல்வேறு நலத் திட்ட உதவிகள் வழங்கப்பட்ட நிகழ்வுகள் திரையிடப்பட்டன.
