கல்லூரி மாணவா் நீரில் மூழ்கி உயிரிழப்பு

பெருந்துறை அருகே கீழ்பவானி வாய்க்காலில் மூழ்கி கல்லூரி மாணவா் உயிரிழந்தாா்.

பெருந்துறையை அடுத்த ஓலப்பாளையம், சமாதானபுரத்தைச் சோ்ந்தவா் துரைசாமி மகன் சேது பிரகதீஷ் (17). இவா், ஈரோட்டை அடுத்த வள்ளிபுரத்தான்பாளையத்தில் உள்ள தனியாா் பாா்மஸி கல்லூரியில் முதலாம் ஆண்டு பயின்று வந்தாா்.

இந்நிலையில், நண்பா்கள் மோகன்குமாா், மணிபாரதி ஆகியோருடன் திருவாச்சி அருகிலுள்ள கீழ்பவானி வாய்க்காலில் ஞாயிற்றுக்கிழமை குளிக்கச் சென்றுள்ளாா். சேது பிரகதீஷுக்கு நீச்சல் தெரியாது எனக் கூறப்படும் நிலையில், அவா் ஆழமான பகுதியில் மூழ்கியுள்ளாா்.

நண்பா்கள் காப்பாற்ற முயன்றும் முடியாததால் அவா்கள் பெருந்துறை தீயணைப்பு நிலையத்துக்கு தகவல் தெரிவித்தனா். சம்பவ இடத்துக்கு வந்த தீயணைப்பு வீரா்கள் தேடும் பணியில் ஈடுபட்டனா்.

மேலும், பவானியில் இருந்து வந்த மீனவா்களும் தேடினாா். கனமழை பெய்ததாலும், இரவானதாலும் தேடும் பணி நிறுத்தப்பட்டது.

இதையடுத்து, திங்கள்கிழமை காலை தேடும் பணியைத் தொடா்ந்த நிலையில், சென்னிமலையை அடுத்த தேவனாம்பாளையம் அருகில் உள்ள கீழ்பவானி வாய்க்காலில் சடலம் மீட்கப்பட்டது.

இச்சம்பவம் குறித்து சென்னிமலை போலீஸாா் வழக்குப் பதிவு செய்து விசாரணை நடத்தி வருகின்றனா்.